U navahodnim zvarocie da ŭkraincaŭ prezident Piatro Parašenka nazvaŭ 2017 hoda asablivym. Tekst zvarotu apublikavany na aficyjnym sajcie prezidenta Ukrainy.
«Heta — hod stahodździa Ukrainskaj nacyjanalnaj revalucyi», - zajaviŭ prezident.
«Ale tady ŭkraincy, zamiest taho, kab zhurtavacca suprać vonkavych pahroz, vajavali pamiž saboj. I zaraz, kali nie zrabić vysnoŭ, biazdumnaje palityčnaje supraćstajańnie moža lohka viarnuć ekanomiku nazad, u pikie. Palityku — pahruzić u anarchiju. A krainu - zrabić zdabyčaj ahresara», - rastłumačyŭ Parašenka.
Jon taksama skazaŭ, što pra važnyja ŭroki historyi nie treba zabyvać navat u navahodniuju noč. «Ja zrabiŭ vysnovy. Čužych pamyłak - nie paŭtaru. I inšym - nie dam», - skazaŭ Parašenka.
Jon dadaŭ, što zaraz padstaŭ dla aptymizmu va ŭkraincaŭ bolš, čym było hod tamu. Horšaje ŭ ekanomicy krainy ŭžo zzadu.
Kamientary