U listapadzie rozhałas atrymała navina, što štamp «Ujezd u Biełaruś zabaronieny» na vyjeździe z krainy atrymaŭ aktyvist Niamiecka-biełaruskaha tavarystva Peter Lizehanh.
Heta adbyłosia paśla «Minskaha forumu», sustrečy niamieckich i biełaruskich ekśpiertaŭ. Navina vyklikała zaniepakojenaść adnosna svabody pierasoŭvańnia hramadskich aktyvistaŭ ź Jeŭrasajuza, što naładžvajuć suviazi miž hramadskimi aktyvistami ź ES i Biełarusi.
Jak akazałasia, štamp ab zabaronie na ŭjezd Lizehanha byŭ pamyłkaj. Jon biez prablem atrymaŭ biełaruskuju vizu i 30 śniežnia pryjechaŭ u Biełaruś, kab adznačyć Novy hod u našaj krainie.
Lizehanh — fryłansier, arhanizuje navučańnie dla žurnalistaŭ z Uschodniaj Jeŭropy ŭ Hiermanii. Raniej jon arhanizoŭvaŭ čarnobylskija i adukacyjnyja prahramy.
Štamp «Ujezd u Biełaruś zabaronieny» Lizehanh atrymaŭ na vylecie.
Lizehanh pabyvaŭ u Biełarusi pieršy raz za 6 hadoŭ. «Minski forum» byŭ praviedzieny ŭpieršyniu paśla šaścihadovaha pierapynku, kali niamiecki bok prypyniŭ jaho padrychtoŭku ŭ znak pratestu paśla pahromu apazicyi ŭ 2010—2011 hadach.
Kamientary