Kredytory zaklučyli miravoje pahadnieńnie z «Pieršaj šakaładnaj kampanijaj», paviedamiŭ BIEŁTA pradstaŭnik antykryzisnaha kiraŭnika «Dałajna» Dzianis Plecianioŭ.
Miravoje pahadnieńnie było padpisana na ahulnym schodzie kredytoraŭ i nakiravana ŭ ekanamičny sud Bresckaj vobłaści, dzie dakumient byŭ zaćvierdžany.
«Miravoje pahadnieńnie praduhledžvaje rasterminoŭku pahašeńnia zapazyčanaści na praciahły pieryjad. U toj ža čas heta nie vyklučaje mahčymaści pryciahnieńnia da subsidyjarnaj adkaznaści zasnavalnikaŭ tavarystva, u tym liku zamiežnych, pa daŭhach pradpryjemstva», — patłumačyŭ kiraŭnik.
Pa rašeńni kredytoraŭ, jon praciahnie vykonvać svaje abaviazki da poŭnaj realizacyi miravoha pahadnieńnia. Pa słovach Dzianisa Plecianiova, ad 10 studzienia na fabrycy pačniecca płanavy zapusk vytvorčaści. Praces zojmie kala miesiaca.
«Linija stajała amal hod. Kab pradpryjemstva zapracavała na poŭnuju moc, treba šmat čaho zrabić: pryvieści ŭ paradak abstalavańnie, nabrać ludziej», — raspavioŭ surazmoŭca.
Što tyčycca lubimaha mnohimi šakaładu pad handlovaj markaj «Ideał», to ŭ lutym jon pavinien znoŭ źjavicca na palicach kram. Jak adznačyŭ Dzianis Plecianioŭ, pazicyja asnoŭnaha ŭłaśnika «Pieršaj šakaładnaj kampanii» zaklučajecca ŭ tym, kab pradukcyja zachavała svaju vysokuju jakaść na asnovie vyklučna naturalnych inhredyjentaŭ.
Płanujecca, što spačatku abjom miesiačnaj vytvorčaści składzie 60-80 t hatovaj pradukcyi.
STAA «Pieršaja šakaładnaja kampanija» było zarehistravana ŭ jakaści rezidenta svabodnaj ekanamičnaj zony «Brest» u 1997 hodzie. Dziejnaść pradpryjemstva była spynienaja praz daŭhi pa enierharesursach. U červieni 2016 hoda ekanamičny sud Bresckaj vobłaści raspačaŭ u dačynieńni da STAA spravu ab bankructvie.
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary