Namieśnik kiraŭnika MZS Polščy: Skaračeńnie finansavańnia «Biełsata» nie źviazanaje z palitykaj i nie pradmiet handlu z uładami
Skaračeńnie finansavańnia telekanała «Biełsat» nie źviazanaje z palitykaj, a los telekanała nie źjaŭlajecca pradmietam handlu ź biełaruskimi ŭładami, zajaviŭ 3 studzienia namieśnik ministra zamiežnych spraŭ Polščy Konrad Šymanski ŭ intervju radyjostancyi Polskie Radio 24.
«Sprava «Biełsata» nie maje palityčnaha charaktaru, a maje biudžetny charaktar», — skazaŭ pradstaŭnik polskaha źniešniepalityčnaha viedamstva.
Pry hetym Šymanski padkreśliŭ, što zapłanavanaja tranślacyja telekanała Polonia ŭ Biełarusi budzie važnaja dla palakaŭ, jakija žyvuć u krainie. «Biełsat» maje inšuju rolu. Prablema budučyni telekanała «Biełsat» paŭstała nie na asnovie jakich-niebudź palityčnych paniaćciaŭ, a na asnovie biudžetnych prablem», — adznačyŭ jon.
U adkaz na pretenzii ab tym, što zakryćcio telekanała źjaŭlajecca pradmietam handlu pamiž Varšavaj i Minskam u pracesie narmalizacyi dvuchbakovych adnosinaŭ, Šymanski zajaviŭ: «Heta prosta supadzieńnie padziej, jakija nie majuć pamiž saboj suviazi».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant16
Kamientary