Pa vynikach pracesu, što ciahnuŭsia bolš čym try hady, sudździa vyznačyŭ asudžanym terminy pakarańnia ad piaci miesiacaŭ da piaci hod. Razam z tym z 30 čałaviek byli źniatyja abvinavačańni. Praŭda, naŭrad ci kamuści z asudžanych daviadziecca sieści ŭ turmu, bo da skančeńnia pracesu apelacyi skončycca termin daŭniny pa ździejśnienych imi pravaparušeńniach.
Ale italjanskim uładam pryjdziecca vypłacić miljony eŭra tym, chto byŭ zatrymany i paciarpieŭ ad žorstkich dziejańniaŭ palicyi.
U vyniku vuličnych sutyknieńniaŭ pamiž demanstrantami i palicejskimi ŭ Hienui ŭ 2001 h. adzin pratestoŭca zahinuŭ, sotni čałaviek atrymali ranieńni.
Palicyju źvinavacili ŭ žorstkaści pry praviadzieńni aperacyj u škole, jakuju pratestujučyja vykarystoŭvali dla pražyvańnia, a taksama ŭ palicejskich kašarach, kudy dastaŭlali aryštavanych. Siarod ich byli hramadzianie Italii, Brytanii, Polščy i Irlandyi.
Zatrymanyja zajaŭlali, što ich źbivali paśla taho, jak padvierhli pilnamu asabistamu nadhladu. Prakurory śćviardžali, što dziejańni abvinavačanych trapili pad vyznačeńnie «katavańni».