 |
U pryvatnaści, sa spasyłkaj na HUUS Mienharvykankama pra heta paviedamili BiełaPAN, sajt NN i niekatoryja inšyja ŚMI ( naprykład bntu.info).
Vybuch adbyŭsia u vyniku pravodžanych haspadarom chimičnych vopytaŭ. Supracoŭniki milicyi zabrali piersanalny kamputar, chimičnaje abstalavańnie, sšytak z zapisami pa vyrabu pietard. Pravierku pravodziŭ Kastryčnicki RUUS stalicy.
Siońnia jość niekatoryja padstavy mierkavać, što hetym śpiecyjalistam‑piratechnikam źjaŭlaŭsia student Biełaruskaha dziaržaŭnaha univiersiteta infarmatyki i radyjoelektroniki śpiecyjalnaści inžynierna‑psichałahičnaje zabieśpiačeńnie infarmacyjnych technałohij Alaksiej Šeleh. Suprać jaho ŭ 2007 hodzie była ŭzbudžanaja kryminalnaja sprava i jon byŭ asudžany ŭmoŭna.
Jak vyśvietliłasia, zatrymanaja pa padazreńni ŭ ździajśnieńni vybuchu ŭ Miensku 4 lipienia hetaha hoda studentka BDU Taciana Piekun tady prachodziła pa hetaj spravie śviedkam. Razam ź joj dapytvali jašče adnaho studenta, jaki naviedvaŭ «chimičny hurtok». Jon taksama źmieščany ŭ izalatar časovaha ŭtrymańnia pa padazreńni ŭ dačynieńni da sioletniaha vybuchu. Vierahodna, što koła zatrymanych bolšaje.
Takim čynam, pravaachoŭnyja orhany, jak adnu ź viersij, razhladajuć mahčymaść ździajśnieńnia vybuchu studentami‑chimikami z BDU.
