Fota mchs.gov.by
7 studzienia kala 17 hadzin na aŭtadarozie Minsk—Viciebsk, niepadalok ad vioski Słahavišča Łahojskaha rajona, złamaŭsia aŭtobus z pasažyrami. Adzin ź ich źviazaŭsia z ratavalnikami.
Vyśvietliłasia, što transpart staŭ praz zamiarzańnie pnieŭmasistemy.
Aŭtobus «Nieapłan», jaki naležyć rasijskaj arhanizacyi, viartaŭsia z ekskursijnaha tura pa Minsku ŭ Pskoŭ. U aŭtobusie znachodzilisia 2 kiroŭcy i 54 pasažyry, ź ich 7 dziaciej. Usie hramadzianie Rasijskaj Fiederacyi.
Da miesca pałomki vyjechali staršynia Łahojskaha rajvykankama, kiraŭnictva Łahojskaha rajadździeła pa NS i ekipaž DAI Łahojskaha RAUS. Tempieratura pavietra na toj momant składała kala 26 hradusaŭ marozu. Dla pieravozki rasijskich turystaŭ u biaśpiečnaje miesca pasłali aŭtobus «Minabłaŭtatransa». U 18.15 ludziej dastavili ŭ haścinicu spartyŭna-turystyčnaha kompleksu «Alimp» u Łahojsku.
Aŭtobus z turystami i transpart «Minabłaŭtatransa». Fota mchs.gov.by
8 studzienia ŭ 04.35 ranicy na pradastaŭlenym pieravozčykam dadatkovym aŭtobusie pasažyry praciahnuli ruch u Pskoŭ.
