Budučy kiraŭnik administracyi abranaha prezidenta ZŠA Rajns Prybus zajaviŭ, što Donald Tramp pahadziŭsia z vysnovami śpiecsłužbaŭ ZŠA pra kibierataki z boku Rasii. Jak zajaviŭ Prybus u efiry telekanała Fox News u niadzielu, 8 studzienia, Donald Tramp pryznaje peŭnuju rolu Rasii ŭ chakierskich napadach na Nacyjanalny kamitet Demakratyčnaj partyi.
Razam z tym, padkreśliŭ Prybus, sami demakraty dazvolili ŭzłamać svaju pierapisku «zamiežnaj struktury», što i pryviało da ŭciečki dadzienych.
Pavodle jaho słoŭ, novy kiraŭnik Biełaha doma zhodny z vysnovami amierykanskaj vyviedki, što Maskva zajmałasia kibieratakami, nakiravanymi na zryŭ vybaraŭ u ZŠA. Abrany prezident, zajaviŭ jon, płanuje daručyć śpiecsłužbam padrychtavać rekamiendacyi nakont taho, što pavinna być zroblena. U zaležnaści ad hetych rekamiendacyj mohuć być pryniaty miery.
Prybus taksama ŭkazaŭ, što Rasija i Kitaj na praciahu mnohich hadoŭ sprabujuć paŭpłyvać na vybary za miežami svaich krain.