Brakańjer zapłacić 20,7 tysiač rubloŭ (kala $10000) za złoŭlenaha ŭ piatlu-pastku łasia ŭ Biarezinskim zapaviedniku, paviedamili BiełTA ŭ Dziaržaŭnaj inśpiekcyi achovy žyviolnaha i raślinnaha śvietu pry prezidencie.
Fota Dziaržinśpiekcyi
Brakańjer ustalavaŭ piać pietlaŭ dla zdabyčy kapytnych na terytoryi Biarezinskaha bijaśfiernaha zapaviednika.
«U adzin z samałovaŭ trapiŭ łoś — jaho astanki znachodzilisia pobač ź piatloj. Ślady ź miesca zdabyčy viali ŭ viosku Słabada, adzin ź jaje žycharoŭ akazaŭsia pad padazreńniem. U domie ŭ mužčyny vyjavili nož sa śladami kryvi i poŭści, kurtku z kryvavymi plamami i inšyja dokazy — usio heta kanfiskavana dla ekśpiertyzy. Pamier kampiensacyi škody za niezakonna zdabytaha na asabliva achoŭnaj terytoryi łasia — 900 bazavych vieličyń, abo 20,7 tysiač rubloŭ», — adznačyli ŭ Dziaržinśpiekcyi.
