Siomy Mižnarodny kanhres daśledčykaŭ Biełarusi adbudziecca 15—17 vieraśnia ŭ Varšavie, paviedamili BiełaPAN u arhkamitecie pa praviadzieńni mierapryjemstva.
Tradycyjna na kanhresie źbiarecca kala 500 navukoŭcaŭ i ekśpiertaŭ ź Biełarusi i inšych krain, čakajucca dyskusii i prezientacyi. Akramia taho, buduć uručanyja premii za lepšyja navukovyja publikacyi pa vynikach 2015 i 2016 hadoŭ.
Zbor zajavak na stvareńnie siekcyj i panelaŭ, a taksama zbor naminacyj na premiju kanhresa za lepšuju navukovuju publikacyju buduć prachodzić pa 10 sakavika. Finalny śpis siekcyj budzie vyznačany da 20 maja. Papiaredniaja prahrama kanhresa stanie viadomaja da 15 žniŭnia.
Mižnarodny kanhres daśledčykaŭ Biełarusi byŭ zasnavany 6 kastryčnika 2010 hoda ŭ Kaŭnasie na sustrečy pradstaŭnikoŭ biełaruskaha i litoŭskaha akademičnych supolnaściaŭ. Inicyjatarami vystupili instytut «Palityčnaja śfiera», Instytut Vialikaha Kniastva Litoŭskaha i Univiersitet Vitaŭta Vialikaha.
Meta kanhresa — raźvićcio supolnaści navukoŭcaŭ, analitykaŭ i ekśpiertaŭ, a taksama spryjańnie bolš hłybokamu razumieńniu Biełarusi ŭ akademičnaj i hramadskaj supolnaści krainy, rehijona i śvietu. Papiarednija kanhresy prachodzili ŭ Kaŭnasie, sioleta jon upieršyniu adbudziecca ŭ Varšavie.
Asnoŭnym akademičnym partnioram z polskaha boku vystupić Collegium Civitas.
