Ministr Karpienka: Bałonski praces daje mahčymaści dla ekspartu pasłuh
Ministr adukacyi Ihar Karpienka ličyć, što Bałonski praces adkryvaje dadatkovyja mahčymaści dla pašyreńnia handlova-ekanamičnaha supracoŭnictva, dla naroščvańnia ekspartu pasłuh.
Pra heta jon zajaviŭ u efiry telekanała «Biełaruś 1», paviedamlaje BiełTA.
«Kali havorym pra toje, što Bałonski praces — heta adkrytaja adukacyjnaja prastora, my pavinny dakładna razumieć našy pryjarytety. Jany składajucca ŭ tym, što kadry, jakija rychtujem za biudžetnyja srodki, pavinny zabiaśpiečvać pracu našaj ekanomiki — stabilna, jakasna, na vysokim uzroŭni, z hodnaj zarpłataj «, — skazaŭ taksama ministr adukacyi.
Ihar Karpienka vystupiŭ za pavyšeńnie adkaznaści zakazčykaŭ kadraŭ za zamacavańnie maładoha śpiecyjalista na pracoŭnym miescy.
«Suśvietnyja tendencyi takija, što mnohija krainy, razumiejučy zatratnaść adukacyjnaha pracesu, imknucca pieramanić hatovych śpiecyjalistaŭ, — skazaŭ ministr. — U suviazi z hetym nam važna pracavać z ekanamičnaj infrastrukturaj. Pavinna być peŭnaja adkaznaść zakazčykaŭ kadraŭ za zamacavańnie maładoha śpiecyjalista na pracoŭnym miescy».
«U Biełarusi — stałaja sistema adukacyi, — ličyć Karpienka. — Ale jak lubaja sistema jana pavinna vidaźmianiacca, ŭdaskanalvacca, iści ŭ nahu z časam. Novuju redakcyju Kodeksa ab adukacyi vyniesiem na šyrokaje abmierkavańnie prafiesijanałaŭ i biełaruskaj hramadskaści. Dakumient raźmieścim na sajcie Ministerstva adukacyi. Praviadziem šerah surjoznych sustreč ź piedahohami, z zakazčykami kadraŭ».
Ihar Karpienka ličyć zaŭčasnym zavastrać uvahu na asobnych pazicyjach novaj redakcyi Kodeksa ab adukacyi. Što tyčycca pytańnia pra toje, ź jakoha ŭzrostu dzieciam iści ŭ škołu (kali šeść hadoŭ dziciaci spaŭniajecca, skažam, u kancy vieraśnia), to, na dumku ministra, metazhodna delehavać rašeńnie hetaha pytańnia ustanovam adukacyi.
Kamientary