U Hrodzienskaj vobłaści pobač sa škołaj aŭtamabil źbiŭ treciakłaśnicu: dziaŭčynka ŭ reanimacyi
DTZ z udziełam dziciaci adbyłosia ranicaj 16 studzienia kala škoły na vulicy Kirava ŭ vioscy Aziory. Pra heta paviedamili ŭ DAI Hrodna.

Pavodle papiaredniaj infarmacyi, dziaŭčynka, vučanica 3-ha kłasa, nie pahladzieła pa bakach i pačała pierabiahać darohu pa-za piešachodnym pierachodam. Kiroŭca Audi nie paśpieŭ zreahavać na siłuet, jaki raptam źjaviŭsia na darozie, i źbiŭ dzicia.
U DAI vykazali zdahadku, što ŭvahu dziaŭčynki pryciahnuli varoty škoły, pryznačanyja dla prajezdu aŭtamabilnaha transpartu. Jany byli adkryty i znachodzilisia bližej, čym bramka.
U vyniku DTZ dzicia atrymała ciažkija traŭmy i było dastaŭlena ŭ reanimacyjnaje adździaleńnie balnicy.
Kamientary