Jak stała viadoma pravaabaroncam-viasnoŭcam, 11 studzienia Andreju Bandarenka było vystaŭlenaje kančatkovaje abvinavačvańnie pa č.2 art 411 UK — «Złosnaje niepadparadkavańnie patrabavańniam administracyi papraŭčaj ustanovy, jakaja vykonvaje pakarańnie ŭ vyhladzie pazbaŭleńnia voli, ździejśnienaje asobaj, asudžanaj za ciažkaje abo asabliva ciažkaje złačynstva». Jamu pahražaje pazbaŭleńnie voli na termin da dvuch hadoŭ.
Na nastupnym tydni sprava budzie pieradadzienaja ŭ prakuraturu dla nakiravańnia ŭ sud.
Usiaho na Andreja Bandarenku nakładziena bolš za dziasiatak spahnańniaŭ u roznych miescach pazbaŭleńnia voli, dzie jon adbyvaŭ termin. Z-za hetaha były kiraŭnik pravaabarončaj «Płatformy Innavejšn» pryznany złosnym parušalnikam režymu.
Akramia taho, praciahvajecca žorski kantrol za ŭsimi dziejańniami Andreja Bandarenki. Tak 11 studzienia było nakładziena jašče adno spahnańnie, nibyta za toje, što jon nie trymaŭ ruki za śpinoj. U vyniku spahnańnia asudžany pazbaŭleny čarhovaj pasyłki.
U vypadku asudžeńnia Bandarenki pa č.2 art. 411 KK RB pravaabaroncy buduć hatovyja pryznać jaho palityčnym źniavolenym.
Nahadajem, 9 studzienia sud Škłoŭskaha rajona pryniaŭ da razhladu skarhu Andreja Bandarenki na pastanoŭku jaho z 1 kastryčnika 2015 h. na prafiłaktyčny ŭlik, jak asoby, «schilnaj da zachopu zakładnikaŭ, napadu na administracyju, chulihanskich prajaŭ». Skarha budzie razhledžanaja sudom Škłoŭskaha rajona 16 studzienia. Pačatak sudovaha pasiadžeńnia ŭ 14.10 (kab. №3).
Raniejšyja sproby abskardzić praduziatyja i nieabhruntavanyja spahnańni z boku administracyi papraŭčych ustanoŭ u Departamiencie vykanańnia pakarańniaŭ, orhanach prakuratury i sudach zastavalisia biespaśpiachovymi. Tak, sud Leninskaha rajona h.Mahilova admoviŭsia razhladać skarhu ab pastanoŭcy na prafiłaktyčny ŭlik, jak asobu, «schilnuju da zachopu zakładnikaŭ, napadu na administracyju, chulihanskich prajavaŭ», pieranakiravaŭšy jaje ŭ DVP, a sud Škłoŭskaha rajona ŭvohule nie staŭ razhladać, za što sudździa Vital Vołkaŭ byŭ depremiravany.
Ciapierašni termin źniavoleńnia Bandarenki zakančvajecca 31 sakavika 2017 hoda.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary