Daškievič zaklikaŭ prasić u mietro knihu skarhaŭ i prapanoŭ i pisać padziaku za biełaruskuju movu
Lidar «małafrontaŭcaŭ» Źmicier Daškievič zaklikaŭ hramadskaść pisać padziaki rabotnicy mietrapalitena Ludmile Majstrenka, na jakuju napisaŭ skarhu rasijanin.
«Na ŭvachodzie ŭ st. mietro Kupałaŭskuju/Kastryčnickuju pracuje čornavałosaja pani z Taškienta. Pierajechaŭšy šmat hod tamu ŭ Biełaruś, jana niejak zacikaviłasia biełaruskaj historyjaj i movaj. U toj čas, kali sami biełarusy kažuć «mnie proŝie po-russki», pani z Taškienta pierajšła na movu Skaryny i Kupały dy ŭ pierachodach vitaje pasažyraŭ pa-biełarusku. I voś siońnia niejki rasijanin, jaki pryjechaŭ pa svaich spravach u kałoniju Rasiei, napisaŭ na jaje skarhu za zvarot da jaho pa-biełarusku.
Zaklikaju ŭsich nieabyjakavych prychodzić u pierachod, što viadzie da st. mietro Kupałaŭskaja i Kastryčnickaja, prasić knihu skarhaŭ i prapanovaŭ i pisać padziaku supracoŭnikam mietrapalitena za vykarystańnie biełaruskaje movy. Jak vyśvietliła Naša Niva, imia pani Ludmiła Majstrenka, kali spatkajecie jaje - padziakujcie asabista. Zrobim heta, kali my, usio ž, nie kałonija», — napisaŭ Źmicier Daškievič u fejsbuku.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary