Kiroŭca aŭtamabila chutkaj dapamohi, pad jaki trapiła dziaŭčynka ŭ Viciebskim rajonie, pozna zaŭvažyŭ dzicia i nie zmoh svoječasova zatarmazić. Novyja padrabiaznaści DTZ karespandentu BiełTA raskazaŭ časova vykonvajučy abaviazki načalnika adździaleńnia ahitacyi i prapahandy DAI UUS Viciebskaha abłvykankama Alaksandr Kaziučyc.
Jak vyśvietliłasia, na nadzimanych sankach znachodziłasia dvoje dziaciej. Akramia paciarpiełaj dziaŭčynki, tam jechaŭ jašče i chłopčyk (jamu 2,6 hoda).
«Žančyna, jakaja pieravoziła svajho syna i dačku siabroŭki, nie adrazu vyjaviła, što dziaŭčynka vypała z sanak. Kali jana azirnułasia, to dziaŭčynki na miescy nie było, zzadu śviacili fary nadychodziačaj mašyny. Žančyna kinułasia nazad, ale było ŭžo pozna, dzicia trapiła pad aŭtamabil», — raspavioŭ Alaksandr Kaziučyc.
Kiroŭca chutkaj rastłumačyŭ, što dzicia, jakoje lažała na darozie, zaŭvažyŭ pozna, bo dziaŭčynka była apranutaja ŭ śvietłuju vopratku i była drenna bačnaja na śniezie. Mužčyna nie zmoh paźbiehnuć najezdu, ale jon prytarmaziŭ i prapuściŭ dzicia pamiž kołaŭ aŭtamabila.
U kryvi žančyny, jakaja pieravoziła dziaciej na sankach, vyjaŭlena 0,8 pramile ałkaholu.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary