Kiraŭnik MZS Rasii: Pahadnieńnie ES i Biełarusi ab łahierach dla mihrantaŭ vyklikaje pytańni

«U nas ź Biełaruśsiu Sajuznaja dziaržava, u miežach jakoj pryniataje pryncypovaje rašeńnie vyraŭnoŭvać pravy hramadzian i adnoj, i druhoj krainy va ŭsich biez vyklučeńnia abłaściach, — cytuje Łaŭrova internet-resurs «Sajuznaje vieča». — I adnoj z takich śfier prykładańnia našych ciapierašnich namahańniaŭ źjaŭlajecca ŭzhadnieńnie paramietraŭ adzinaj vizavaj, adzinaj mihracyjnaj prastory. Heta patrabuje siarod inšaha vyznačeńnia adzinaha śpisa asob, jakija niepažadanyja, jakija pažadanyja, ale heta taksama patrabuje adzinaj palityki ŭ halinie ekstradycyi. Ciapier heta jašče bolš aktualna, bo jość tema ab damoŭlenaści pamiž Biełaruśsiu i Jeŭrasajuzam pra stvareńnie łahieraŭ dla mihrantaŭ nielehalnych na terytoryi respubliki».

Łaŭroŭ padkreśliŭ, što ŭ Rasii i Biełarusi niama aformlenaj naziemnaj suchaputnaj miažy. «Heta stvaraje, viadoma ž, pytańni i mahčymaści dla złoŭžyvańniaŭ. My pačynajem z našymi biełaruskimi kalehami dyjałoh na hetuju temu. My, u pryncypie, užo daŭno viadziem pieramovy pra adzinuju mihracyjnuju palityku. Zaraz, dumaju, usie hetyja padziei patrabujuć paskoryć hetyja razmovy i pryvieści, narešcie, da niejkich vynikaŭ», — zajaviŭ Łaŭroŭ.

Varta zaznačyć, što havorki pra budaŭnictva ŭ Biełarusi łahieraŭ dla mihrantaŭ i biežancaŭ nie idzie.

Jak paviedamiła 17 studzienia pres-słužba Ministerstva ŭnutranych spraŭ Biełarusi, Jeŭrapiejskaja kamisija pryniała rašeńnie ab vydzialeńni Biełarusi siami miljonaŭ jeŭra dla realizacyi ŭ krainie prajekta mižnarodnaj techničnaj dapamohi «Sadziejničańnie Respublicy Biełaruś u vyrašeńni pytańniaŭ, źviazanych z pavieličeńniem patoku nielehalnych mihrantaŭ».

Finansavańnie budzie vykonvacca ŭ miežach Jeŭrapiejskaha instrumienta dobrasusiedstva i partniorstva na padstavie adpaviednaha finansavaha pahadnieńnia, jakoje pavinna być padpisanaje pamiž MUS, Jeŭrapiejskaj kamisijaj i pradstaŭnictvam Mižnarodnaj arhanizacyi pa mihracyi (MAM) u Biełarusi. Jaho prajekt užo pradstaŭleny na razhlad biełaruskamu boku.

Adnym z nakirunkaŭ pracy ŭ miežach prajekta budzie stvareńnie centraŭ časovaha ŭtrymańnia zamiežnych hramadzian.

Pry hetym havorka idzie tolki pra asobaŭ — niezakonnych mihrantaŭ, zatrymanych u Biełarusi, siryjskija albo inšyja biežancy ź ES u ich raźmiaščacca nie buduć, padkreślili ŭ MUS.

Utrymańnie niezakonnych mihrantaŭ płanujecca ŭ pieryjad praviadzieńnia nieabchodnych pracedur, źviazanych ź identyfikacyjaj asoby i/abo departacyjaj. Na biahučy momant u MUS i DPK adsutničajuć śpiecyjalizavanyja pamiaškańni, pryznačanyja dla ŭtrymańnia i pracy z hetaj katehoryjaj hramadzian. Apošnija raźmiaščajucca ŭ izalatarach časovaha ŭtrymańnia terytaryjalnych AUS i DPK.

Hrašovyja srodki pryznačajucca taksama dla sadziejańnia dobraachvotnamu viartańniu zamiežnikaŭ ź Biełarusi ŭ dziaržavy, hramadzianami jakich jany źjaŭlajucca, a taksama rašeńnia šerahu inšych zadač

• 0
• 0
• 0
• 0
• 0
• 0
• 0
• 0