Ekspart biełaruskich naftapraduktaŭ u studzieni—listapadzie 2016 hoda skłaŭ 12,3 młn tonaŭ i skaraciŭsia ŭ fizičnym vyražeńni na 19,3% u paraŭnańni z anałahičnym pieryjadam 2015 hoda, śviedčać dadzienyja aficyjnaj statystyki.
U hrašovym vyražeńni ekspart biełaruskich naftapraduktaŭ u studzieni—listapadzie skłaŭ 3,78 młrd dołaraŭ i źmienšyŭsia ŭ paraŭnańni z anałahičnym pieryjadam 2015 hoda na 39,2%.
Varta taksama adznačyć, što ŭ analizavany pieryjad Biełaruś skaraciła pastaŭki naftapraduktaŭ u Rasiju. U studzieni—listapadzie 2016 hoda rezidenty Biełarusi vyvieźli na rasijski rynak 264,7 tys ton naftapraduktaŭ, što amal na 70% mienš u paraŭnańni z anałahičnym pieryjadam 2015 hoda.
Nahadajem, biełaruskija ŭłady arhumientavali ŭ minułym hodzie skaračeńnie pastavak naftapraduktaŭ na rasijski rynak tym, što pa cenavych umovach realizacyja biełaruskaha paliva ŭ Rasii niavyhadnaja.
U svaju čarhu, ułady RF, spasyłajučysia na raniej padpisanyja pahadnieńni ź Biełaruśsiu, nastojvali na pastaŭcy na rasijski rynak 1 młn ton aŭtabienzinaŭ.
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary