U Homieli skončyli žyćcio samahubstvam chłopiec i dziaŭčyna

Novy 2017 hod nie sustreli dvoje maładych pryhožych žycharoŭ Homiela. Chałodnym listapadaŭskim dniom skončyła žyćcio samahubstvam 15-hadovaja Kaciaryna, a za niekalki dzion da Novaha hoda pajšoŭ z žyćcia jaje chłopiec, 21-hadovy Uładzimir*.

Pavialičyć

«Razam nazaŭždy», — taki status u sacyjalnaj sietcy pakinuŭ chłopiec, jaki nie pieražyŭ śmierć kachanaj. Na jaho staroncy — dziasiatki fota z Kaciarynaj, adno ź jakich padpisana: «Davaj nazaŭždy». Jašče adno — «Apošniaje fota». Na im maładaja viasiołaja para prymiaraje ŭ kramie ciopłyja kurtki.

Ab trahičnych padziejach aficyjnaj infarmacyi praktyčna niama. U kancy listapada Śledčy kamitet tolki paćvierdziŭ śmierć 15-hadovaj navučenki adnaho z homielskich licejaŭ.

Jak stała viadoma Naviny.by, 29 śniežnia pajšoŭ z žyćcia i 21-hadovy chłopiec zahinułaj. Aficyjnaha kamientara ad Upraŭleńnia SK pa Homielskaj vobłaści pakul tak i nie atrymali.

Na staroncy ŭ sacyjalnaj sietcy Kaciaryny — šmat fiłasofskich i depresiŭnych vykazvańniaŭ.

«Naša leśvica ŭ nieba była raschistanymi drabinami», — kanstatavała ŭ listapadzie, za niekalki tydniaŭ da svajoj hibieli dziaŭčyna. «Maja depresija jarčej za tvaju ejfaryju», «Dyk chto ž ty, narešcie? — Ja častka toj siły, što viečna choča zła, ale robić dabro», «Čamu nas vučyć raman «Majstar i Marharyta? — Što dvoje mohuć być ščaślivyja tolki ŭ vypadku adnačasovaj śmierci abo padtrymki satany», «Surjoznaje staŭleńnie da čaho b tam ni było źjaŭlajecca ŭ hetym žyćci fatalnaj pamyłkaj. — A žyćcio — heta surjozna? — O tak, žyćcio — heta surjozna. Ale nie vielmi», «Baišsia śmierci? Možna padumać, ty žyvieš!», «A niedzie rastuć drevy, ź jakich paźbivajuć našy truny», - zapisy na staroncy Kaciaryny — sihnały navakolnamu darosłamu śvietu, jaki apynuŭsia ślapy i hłuchi da ich.

Uładzimir byŭ u sacyjalnaj sietcy apošni raz kala 4-j ranicy 29 śniežnia, jon pakinuŭ status «Razam nazaŭždy».

«Bavić zakaty ŭ samocie mnie zdavałasia, było biessensoŭna dzień pry dni, bieź pierapynkaŭ i vychodnych, ja staraŭsia ZNAJŚCI VYCHAD ź biaskoncaha cykłu zamknionych łabiryntaŭ, ale kožny dzień adno i toje ž», — napisaŭ jon.

Pavialičyć

Trahiedyja adbyłasia ŭ starym draŭlanym domie pryvatnaha siektara Homiela. Ciapier u hetym domie, dzie dva maładyja čałavieki pajšli z žyćcia, nichto nie žyvie. Na voknach - śniažynki. Ich nalapiŭ Uładzimir, pierad Novym hodam, i ŭpryhožyŭ jołku, ale 2017 jon nie sustreŭ. Pra trahiedyju trochi viedajuć susiedzi chłopca.

Kaciarynu i Uładzimira časta bačyli razam. Pa słovach susiedziaŭ, roźnica va ŭzroście nie była prykmietnaja, dziaŭčyna vyhladała starejšaj za svaje hady. Susiedzi nie bačyli, kab maładyja ludzi svarylisia abo łajalisia. Uładzimir i Kaciaryna časta razam katalisia na rovarach i stvarali ŭražańnie ščaślivaj pary.

Kaciaryna vučyłasia na pieršym kursie ŭ adnym ź licejaŭ Homiela, pa techničnaj śpiecyjalnaści. Tam jaje charaktaryzujuć stanoŭča: była žyćciaradasnaj, z usimi siabravała, nie prapuskała zaniatki, hulała ŭ valejboł.

U dziaŭčyny baćki byli ŭ razvodzie, maci z-za śpiecyfiki pracy časta adsutničała doma, i Kaciaryna ŭ hety čas žyła ŭ babuli i dziaduli.

Uładzimir byŭ na čaćviortym kursie adnaho z univiersitetaŭ, i taksama maje stanoŭčyja charaktarystyki: vučyŭsia na płatnym, zaniatki nie prapuskaŭ, paśpiavaŭ pa vučobie, a za niekalki dzion da samahubstva patelefanavaŭ u VNU i skazaŭ, što zachvareŭ, tamu nie chadziŭ na zaniatki.

Chłopiec žyŭ u domie, jaki naležyć žyvomu jaho dziedu, toj pryjazdžaŭ čas ad času naviedać ŭnuka.

U adzin ź listapadaŭskich dzion susiedzi ŭbačyli la hetaha doma «chutkuju» i milicyju, tak daznalisia, što Kaciaryna pajšła z žyćcia. Jaje ŭ piatli znajšoŭ Uładzimir, kali viarnuŭsia z zaniatkaŭ va univiersitecie.

Paśla trahiedyi chłopiec praciahvaŭ žyć u hetym ža domie, i kali da jaho pryjazdžaŭ dziadula, padhaniaŭ jaho, admaŭlaŭsia kamunikavać, kazaŭ, što choča pabyć adzin.

29 śniežnia susiedzi pačuli kryk dziaduli. Jon pryjechaŭ naviedać ŭnuka i znajšoŭ jaho miortvym. Uładzimir pakinuŭ vialikuju zapisku, u jakoj prasiŭ prabačeńnia ŭ svajakoŭ za svoj učynak i pisaŭ, što nie moža žyć biez svajoj kachanaj.

Ciapier u hetym domie nichto nie žyvie.

* Imiony źmienienyja

• 0
• 0
• 0
• 0
• 0
• 0
• 0
• 0