Administracyja prezidenta ŭziała na kantrol spravu baranavickaha školnika, jaki pakončyŭ z saboj

Pra heta napisana ŭ adkazie na zvarot maci školnika ŭ Administracyju prezidenta Respubliki Biełaruś. U liście taksama napisanyja i spačuvańni žančynie, paviedamlaje Intex-press. 

Taćciana — maci vučnia adnoj z baranavickich škoł, jaki skončyŭ žyćcio samahubstvam 22 śniežnia — ličyć, što ŭ jaho śmierci vinavataja škoła. Taćciana i inšyja svajaki ŭpeŭnienyja, što chłopčyka adnakłaśniki ckavali, a na saviecie prafiłaktyki 21 śniežnia administracyja škoły pahražała jamu terminam u kałonii.

Taćciana źviarnułasia ŭ Hienprakuraturu i Administracyju prezidenta z prośbaj ab dapamozie ŭ rasśledavańni spravy. Žančyna choča, kab «kab vinavatyja panieśli pakarańnie».

6 studzienia Taćcianie pryjšoŭ adkaz z Administracyi prezidenta Respubliki Biełaruś:

«Vaš zvarot, jaki pastupiŭ u Administracyju prezidenta Respubliki Biełaruś, nakiravany ŭpraŭleńniu Śledčaha kamiteta Respubliki Biełaruś pa Bresckaj vobłaści z daručeńniem paviedamić Vam ab vynikach razhladu».

7 studzienia pryjšoŭ i dadatak da pieršaha lista:

«U dadatak da našaha lista ad 6 studzienia 2017 hoda paviedamlajem, što Vaš zvarot pastaŭleny na kantrol u Administracyi prezidenta Respubliki Biełaruś. Prymicie našy spačuvańni…».

Taksama Taćcianie pryjšoŭ i adkaz z Hienprakuratury, u jakim skazana, što zvarot Taćciany «ab ustanaŭleńni asob, vinavatych, pa jaje dumku, u śmierci syna, i pryciahnieńni ich da adkaznaści» nakiravany ŭ abłasnuju prakuraturu.

U svaju čarhu abłasnaja prakuratura, jak vidać ź jašče adnaho lista, taksama nakiravała zvarot Taćciany va Upraŭleńnie Śledčaha kamiteta pa Bresckaj vobłaści «dla razhladu pa kampietencyi». Pry hetym proźvišča zahinułaha padletka ŭ liście z Prakuratury Bresckaj vobłaści napisanaje niapravilna.

U pres-słužbie Upraŭleńnia Śledčaha kamiteta pa Bresckaj vobłaści paviedamili, što rasśledavańnie pa fakcie hibieli baranavickaha padletka praciahvajecca.

U Administracyi prezidenta adznačyli, što pastanoŭka zvarotu Taćciany na kantrol aznačaje, što ŭ Administracyi buduć sačyć za razhladam spravy kampietentnymi orhanami.

— Naturalna, pytańnie pravaachoŭnych orhanaŭ Administracyja prezidenta nie razhladaje. U vypadku, kali pytańnie vielmi surjoznaje, my prosim orhan, u jaki nakiravany zvarot, prainfarmavać nas, jak razhladajecca pytańnie. Biezumoŭna, hety vypadak — heta trahiedyja, — paviedamili ŭ hałoŭnym Upraŭleńni pa pracy sa zvarotami hramadzian i jurydyčnych asob.

• 0
• 0
• 0
• 0
• 0
• 0
• 0
• 0