Małdova moža skasavać składzienaje ŭ 2014 hodzie pahadnieńnie ab asacyjacyi ź Jeŭrasajuzam dla pryniaćcia «darožnaj karty» supracoŭnictva ź Jeŭrazijskim ekanamičnym sajuzam, zajaviŭ prezident respubliki Ihar Dadon padčas vizitu ŭ Maskvu.
Dadon raspavioŭ, što ŭ bližejšyja tydni pačnie kansultacyi ab padpisańni ramačnaha miemaranduma ab supracoŭnictvie ź JeŭrAzES, jaki nie supiarečyć inšym pahadnieńniam, paviedamlaje VVS.
«Dla taho, kab zrabić nastupny krok — heta darožnaja karta supracoŭnictva ź Jeŭrazijskim ekanamičnym sajuzam — treba budzie pierahladać niekatoryja pałažeńni pahadnieńnia ab asacyjacyi ź ES, albo hety dakumient, jaki byŭ padpisany ŭ 2014 hodzie, anulavać», — zajaviŭ jon.
Pavodle słoŭ małdaŭskaha lidara, pahadnieńnie ź ES nie dało Małdovy nijakich plusoŭ, kraina «straciła rasijski rynak i, jak heta ni dziŭna, našy abjomy ekspartu ŭ Jeŭrapiejski sajuz taksama ŭpali».
Dadon taksama paprasiŭ prezidenta Rasii Uładzimira Pucina «razhledzieć mahčymaść taho, kab Małdova stała naziralnikam u Jeŭrazijskaj ekanamičnaj kamisii i ŭ JeŭrAzES».
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary