U listapadzie minułaha hoda źjaviłasia infarmacyja, što avijapieravozčyk Etihad, jaki vaziŭ turystaŭ z Abu-Dabi ŭ Minsk i nazad z 2008 hoda, pa ekanamičnych pryčynach sychodzić ź biełaruskaha nieba. Ale zaraz stała viadoma, što Etihad zastajecca, piša tio.by.
Anton Šach (minski ofis kampanii Etihad) užo paćvierdziŭ hetuju infarmacyju: avijakampanija praciahvaje latać u Minsk.
U pryvatnaści, u sistemie braniravańnia Etihad užo možna znajści rejsy ź Minska ŭ Abu-Dabi z vyletami paśla 24 sakavika (z hetaj daty avijakampanija płanavała zakryć maršrut).
Zhodna z raskładam z sajta avijakampanii, rejs z Abu-Dabi ŭ Minsk budzie dastupny pa aŭtorkach, čaćviarhach i subotach (07:35 — 12:25), zvarotny vylet ź biełaruskaj stalicy 13:25 - 20:20.
Na dadzienym maršrucie zajaŭleny samalot Airbus A319-100 umiaščalnaściu da 98 pasažyraŭ.
Kamientary