U vakolicach najbujniejšaha horada paŭnočnaha ŭschodu Mieksiki ŭ pryvatnym Amierykanskim paŭnočna-ŭschodnim kaledžy navučeniec adkryŭ ahoń. Pavodle papiarednich danych, 12-hadovy padletak zabiŭ pa mienšaj miery troch čałaviek, piša VVS.
Jak paviedamiŭ ahienctvu Frans pres pradstaŭnik słužby hramadzianskaj abarony, padletak zabiŭ pa mienšaj miery troch i paraniŭ piać čałaviek, adkryŭšy ahoń pa svaich adnakłaśnikach u pryvatnaj siaredniaj škole.
Rejter sa spasyłkaj na pradstaŭnika słužbaŭ biaśpieki štata Nueva-Leon piša, što śmierć troch čałaviek pakul nie paćvierdžanaja. Dakładna viadoma, što navučeniec surjozna paraniŭ dvuch inšych navučencaŭ i vykładčyka.
Viadoma taksama, što napadnik zrabiŭ sprobu samahubstva, jakaja akazałasia niaŭdałaj.
Asašyejted pres paviedamlaje, spasyłajučysia na aficyjnuju infarmacyju, što nastaŭnik, adzin vučań i sam padletak, jaki stralaŭ, surjozna paranienyja. Streliŭšy ŭ vykładčyka i vučnia, jon navioŭ pistalet na inšych dziaciej u kłasie, ale paśla streliŭ u siabie.
Miascovyja ŚMI raniej paviedamili, što ŭ vyniku stralby jość troje zahinułych.
Navučeniec uvajšoŭ u škołu ź pistaletam i adkryŭ ahoń. Jahonyja matyvy pakul nie viadomyja.
Kamientary