Ad «Płoščy Niezaležnaści» da «Pieršamajskaj»: minskaje mietro skłała rejtynh samych papularnych stancyj
Samaj šmatludnaj stancyjaj staličnaj padziemki pa vynikach minułaha hoda stała «Płošča Niezaležnaści (Lenina)», paviedamili ŭ pres-słužbie mietrapalitena.
Praz hetuju stancyju prajšła 61 tysiača pasažyraŭ u sutki. Na druhim miescy — «Kamiennaja Horka», dzie pasažyrapatok skłaŭ 59,6 tysiačy čałaviek. Zamknuła trojku lidaraŭ stancyja «Płošča Jakuba Kołasa» z 50,1 tysiačy.
Samaja małaludnaja — «Pieršamajskaja» (8,5 tys.).
«Kupałaŭskaja» «dyskryminujecca» praz toje, što ŭ statystycy ŭličvajecca tolki adzin uvachod u jaje.
— Štodnia pasłuhami mietro ŭ 2016 hodzie karystalisia amal 800 tysiač čałaviek, — adznačyli ŭ pres-słužbie Minskaha mietrapalitena.
Udzielnaja vaha mietrapalitena ŭ haradskich pieravozkach staličnym pasažyrskim transpartam niaŭchilna pavyšajecca i skłała ŭ minułym hodzie 40,15%.
Kamientary