Ekanomika21

Kiraŭnictva spraŭ prezidenta raźvivaje farmbiznes i buduje svaju sietku aptek 

Kiraŭnictva spravami prezidenta (KSP) apošnim časam aktyŭna raźvivaje farmaceŭtyčny biznes. Hetaja śfiera dziejnaści była ŭ poli zroku KSP i raniej, ale ciapier vyviedziena ŭ asobnaje padraździaleńnie, śviedčyć sajt KSP.

Na bazie turapieratara «CentrKurort» utvorany filijał «LekaCentr». Jaho asnoŭnymi vidami dziejnaści źjaŭlajecca aptovy i roźničny handal lekami, vyrabami miedycynskaha pryznačeńnia i spadarožnymi tavarami (kaśmietyčnymi, parfumiernymi tavarami, dziciačym asartymientam i srodkami hihijeny). Aptovaje padraździaleńnie filijała zakuplaje preparaty biełaruskaj i impartnaj vytvorčaści (Jeŭropa, ZŠA, Rasija).

U ciapierašni čas handlovaja struktura filijała «LekaCentr» składajecca z aptečnaha składa i 21 apteki roznaj katehoryi. Bolšaja ich častka bazujecca ŭ Minsku.

Licenzija na prava ažyćciaŭleńnia farmaceŭtyčnaj dziejnaści była vydadziena KSP jašče ŭ 2004 hodzie. Ale raniej apteki byli na terytoryi azdaraŭlenčych kompleksaŭ, sanatoryjaŭ, hatelaŭ, jakija ŭvachodziać u sistemu KSP. Ciapier šmat aptek mieścicca ŭ handlovych centrach.

«LekaCentr» jašče nie ŭvachodzić u lik 10 najbujniejšych aptečnych sietak Biełarusi. Ale patencyjał i resurs dla hetaha ŭ ich, viadoma, jość, skazaŭ udzielnik rynku.

Pa słovach infarmavanaha surazmoŭcy, užo bolš za hod viadziecca strukturavańnie biznesaŭ takoha roznaprofilnaha chołdynhu, jak KSP. «Toje, što raniej zdavałasia pabočnym źvianom, ciapier atrymlivaje novy impuls dla raźvićcia. Toje, što było zanadta hruvastkim, naadvarot, kansalidujecca. U pryncypie, narmalnyja biznes-pracesy. U svoj čas [kiraŭnik Aščadbanka Rasii Hierman] Href pastaviŭ zadaču «navučyć słana (heta značyć, davierany jamu najbujniejšy Dziaržbank RF) tancavać». Prykładna takaja ž zadača staić pierad [kiraŭnikom spraŭ prezidenta Viktaram] Šejmanam», — skazała krynica.

Atrymać kamientar u «LekaCentry» nie ŭdałosia.

Kamientary21

Siłaviki razhramili M1 — samaje papularnaje ŭ rasijan biełaruskaje kazino7

Siłaviki razhramili M1 — samaje papularnaje ŭ rasijan biełaruskaje kazino

Usie naviny →
Usie naviny

Aktyvisty pryjechali na polska-biełaruskuju miažu «błakavać ruch». Ale heta błakavańnie ŭmoŭnaje10

«Za raz sabraŭ 500 hryboŭ!» Biełarus navučyŭsia biespamyłkova vyznačać supieruradžajnyja palany

U ofisie Zialenskaha abvierhli, što prezident daść intervju Takieru Karłsanu

Kolkaść naradžeńniaŭ u Minsku padskočyła 3 lipienia na 175%2

Pa darohach Biełarusi jeździć mulciašny retraaŭtamabil3

Łatuška: Łukašenka sklikaŭ zakrytaje pasiadžeńnie Rady biaśpieki dla abmierkavańnia patrabavańniaŭ Polščy1

Pravaabaroncam dakładna viadoma pra siem palitźniavolenych, jakija ŭčora vyjšli na volu1

Tramp rychtujecca da supiernictva z Kamałaj Charys za pasadu prezidenta ZŠA

U Rasii zatrymali kamandzira desantnikaŭ, jakija źvierstvavali ŭ Bučy. Ale zatrymali jaho za inšaje6

bolš čytanych navin
bolš łajkanych navin

Siłaviki razhramili M1 — samaje papularnaje ŭ rasijan biełaruskaje kazino7

Siłaviki razhramili M1 — samaje papularnaje ŭ rasijan biełaruskaje kazino

Hałoŭnaje
Usie naviny →