Sajt Biełaruskaj asacyjacyi žurnalistaŭ (BAŽ) druhi dzień zapar źviedvaje DoS-napad, paviedamiŭ BiełaPAN pres-sakratar arhanizacyi Barys Harecki.
«Ź siaredziny dnia 18 studzienia na sajt BAŽ idzie DoS-ataka, jakaja praciahvajecca i siońnia, praz formy na sajcie. U nas tam jość formy «dadać materyjał», «dadać kalandar», kudy ludzi sami mohuć upisvać peŭnyja padziei. Praz hetyja formy pačałasia ataka, z roznych ip-adrasoŭ praz hetyja formy dasyłalisia dadzienyja, — raskazaŭ jon. — My ŭžo adklučyli hetyja formy, ale ŭsio roŭna prychodziać zapyty z roznych ip-adrasoŭ. My ich błakujem spačatku, ale ŭbačyli, što heta biessensoŭna, tamu što błakuješ adny adrasy, pačynajuć prychodzić zapyty ź inšych».
Pavodle słoŭ Hareckaha, da vyrašeńnia prablemy padklučyli śpiecyjalistaŭ u śfiery biaśpieki. «Jany ciapier sprabujuć adbić hetu ataku. Kali jana budzie praciahvacca i spravicca ź joj nie atrymajecca, to płanujem źviarnucca ŭ pravaachoŭnyja orhany», — skazaŭ Harecki.
Jon nie zmoh skazać, što mahło stać pryčynaj napadu. «Zacišša absalutnaje, na sajcie nijakich rezanansnych materyjałaŭ nie było. Moža, heta prosta pravierka sił čyjaści, nie viedaju», — vykazaŭ mierkavańnie Harecki.
Siłaviki razhramili M1 — samaje papularnaje ŭ rasijan biełaruskaje kazino7
Siłaviki razhramili M1 — samaje papularnaje ŭ rasijan biełaruskaje kazino
«Heta pytańnie času, ale treba saśpieć». Pucin znoŭ zahavaryŭ pra adziny parłamient i valutu Biełarusi i Rasii1
Žurnalistka BT aburyłasia navinoj pra siabie: Heta była maja pieršaja samastojnaja pajezdka ŭ Jeŭropu13
Ci možna sarvać jabłyki z susiedskaha dreva, kali halina źvisaje nad vašym učastkam? Adkaz vas ździvić4
Kamientary