Ministr adukacyi raskazaŭ, što pavinny rabić školniki i nastaŭniki ŭ subotu
Nastaŭniki-pradmietniki naraŭnie z kłasnymi kiraŭnikami buduć aktyŭna ŭdzielničać u praviadzieńni šostaha školnaha dnia. Zahad ab novych formach raboty ŭ šosty školny dzień padpisaŭ siońnia ministr adukacyi Ihar Karpienka ŭ čas naviedvańnia Hacukoŭskaj siaredniaj škoły ŭ Słuckim rajonie.
Ihar Karpienka padkreśliŭ, što ŭzajemadziejańnie nastaŭnikaŭ-pradmietnikaŭ z baćkami było ŭsiebakova vyvučana.
«Takaja forma, jak kansultacyi z baćkami pa pytańniach navučańnia dziaciej, vynosicca na šosty školny dzień, pakolki funkcyja baćkoŭ u adukacyjnym pracesie vielmi važnaja. Ci pavinny, naprykład, baćki rašać za dzicia zadačy, jakija tamu zadajuć pa matematycy. Nie, nie pavinny. Kali ŭ dziciaci nie atrymlivajecca, baćki pavinny prainfarmavać ab hetym nastaŭnika, pravieści ź im kansultacyju, kab ahulnymi namahańniami vyrašyć prablemu razumieńnia dziciem taho ci inšaha materyjału», — rastłumačyŭ ministr adukacyi.
Pavodle jaho słoŭ, piedahohi, jakija vykładajuć roznyja vučebnyja pradmiety, časta ŭchilajucca ad udziełu ŭ šostym školnym dni. Razam z tym jany pavinny ŭ hety dzień pracavać ź dziećmi. Miarkujecca, što praviadzieńnie dla vučniaŭ 9-11-ch kłasaŭ fakultatyŭnych zaniatkaŭ u hety dzień razhruzić dla dziaciej asnoŭny vučebny tydzień. Jašče adnym pryncypovym novaŭviadzieńniem padpisanaha dakumienta źjaŭlajecca vyrašeńnie pytańniaŭ pracoŭnaha vychavańnia i ŭzajemadziejańnia ahulnaj siaredniaj škoły ź sistemaj prafiesijna-techničnaj adukacyi dla taho, kab možna było vykarystać mahčymaści licejaŭ i kaledžaŭ u navučańni navykam tych ci inšych prafiesij. Mahčyma, dzicia ŭ budučym nie pojdzie vučycca pa śpiecyjalnaści, ale ŭ samastojnym žyćci nabytyja ŭmieńni jamu spatrebiacca, ličyć Ihar Karpienka.
Ministr padkreśliŭ, što novy dakumient nie vyznačaje pieralik kankretnych mierapryjemstvaŭ abo rabot, nieabchodnych dla praviadzieńnia ŭ šosty školny dzień. Heta budzie znachodzicca ŭ kampietencyi ŭstanoŭ adukacyi.
«Piedkalektyŭ pavinien raspracavać prahramu šostaha školnaha dnia, raskład u adpaviednaści z hihijeničnymi patrabavańniami, z narmatyŭnaj bazaj i racyjanalna raźmierkavać napramki raboty. Naprykład, na adnym tydni heta mohuć być kansultacyi, na nastupnym — pajezdka ŭ prafiesijna-techničnuju navučalnuju ŭstanovu, dalej adbuducca spartyŭnyja spabornictvy abo tvorčyja konkursy. Ab hetym treba surjozna infarmavać baćkoŭ, kab možna było arhanizavać niejkija sumiesnyja mierapryjemstvy», — skazaŭ jon. Mienavita ŭ škołach buduć vyznačać i toje, jak racyjanalna pryciahnuć nastaŭnikaŭ-pradmietnikaŭ, dapoŭniŭ ministr.
Kiraŭnik viedamstva nahadaŭ, što ciapier viadziecca rabota pa ŭniasieńni źmianieńniaŭ u Kodeks ab adukacyi. Na dumku Ihara Karpienki, u pierśpiektyvie mnohija fakultatyŭnyja zaniatki vučniaŭ 5-11-ch kłasaŭ možna było b vynosić mienavita na šosty školny dzień.
Ministr raskazaŭ, što z nastupnaha tydnia pačniecca manitorynh arhanizacyi raboty ŭ šosty školny dzień u adpaviednaści z novaŭviadzieńniami. Jon budzie pravodzicca nie z metaj vyniasieńnia niejkich spahnańniaŭ, a dla karekciroŭki źmiestu raboty.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary