Dzie žyć tańniej: paraŭnoŭvajem Minsk i Kijeŭ

Z pačatkam uzbrojenaha kanfliktu na Danbasie Ukraina sutyknułasia z surjoznymi ekanamičnymi prablemami, što adbiłasia na kursie nacyjanalnaj valuty. Tannaja hryŭnia zrabiła ŭkrainskija ceny dla zamiežnikaŭ (u tym liku i biełarusaŭ) nizkimi i pryvabnymi. Śledam za hryŭniaj abiasceńvaŭsia i biełaruski rubiel. «Naša Niva» pravieryła, dzie žyć tańniej, i paraŭnała ceny na asnoŭnyja tavary i pasłuhi ŭ Kijevie i Minsku.

Pradukty 

Ceny na bazavyja pradukty charčavańnia ŭ Kijevie nižejšyja.

Litr małaka ŭ Kijevie kaštuje kala 15 hryvień (1,06 rub.), ćviordy syr ukrainskaj vytvorčaści 100—130 hryvień za kiłahram (7— 9,20 rub. — trochi tańniej, čym u Biełarusi), bochan chleba 10 hrn (70 kapiejek), śvinina 70—100 hrn (5—7 rub. — voś heta istotna tańniej, čym u Biełarusi), morkva i kapusta pa 4 hrn (30 kapiejek), mandaryny — 20 hrn za kiłahram (1.40 rub. — taksama tańniej).

Kamunalnyja pasłuhi

Vidavočna, što kamunalnyja pasłuhi ŭ stalicy Ukrainy kaštujuć bolš. Adzinaje vyklučeńnie — elektraenierhija. Ukraina źjaŭlajecca eksparcioram elektryčnaści, a Biełaruś — imparcioram.

Asabliva vialikaja roźnica pamiž cenami ŭ Kijevie i Minsku na ciepłaenierhiju. U Kijevie aciapleńnie daražejšaje bolš jak u 6 razoŭ. Takaja roźnica vyklikana tym, što ŭkrainskija hramadzianie apłačvajuć 100% ad koštu kamunalnych pasłuh, u toj čas jak biełaruskija taryfy atrymlivajucca takimi nizkimi z-za dziaržaŭnych datacyj i nizkaj cany na haz, jaki nam pastaŭlaje Rasija.

Ale va Ukrainie dziejničaje efiektyŭnaja sistema adrasnych subsidyj, jakoj karystajecca da 60% ukraincaŭ. Kali ŭ čałavieka dachody nižejšyja za peŭny ŭzrovień, jon maje prava atrymać hetuju subsidyju ad dziaržavy. Takaja sistema bolš efiektyŭnaja, čym nizkija ceny na pasłuhi ŽKH dla ŭsich, tamu što dazvalaje lepš abaranić u pieršuju čarhu biednych i niezamožnych hramadzian.

Ujavicie sabie dźvie kvatery. U adnoj kvatery płoščaj 30 kv.m. žyvie babula-piensijanierka, a ŭ druhoj kvatery płoščaj 200 kv.m. žyvie zamožny biznesmien ź siamjoj. U sistemie ź nizkimi cenami na pasłuhi ŽKH, kali nasielnictva apłačvaje tolki fiksavanuju častku zatrat (naprykład, tolki 30%), zamožnaja siamja ŭ vyniku atrymaje bolš datacyj z boku dziaržavy, čym biednaja piensijanierka, tamu što ahulnyja vydatki ŭ ich buduć vyšejšyja. U svaju čarhu sistema indyvidualnych subsidyj, jak va Ukrainie, bolš efiektyŭnaja, čym u Biełarusi, tamu što pry joj zamožnyja ludzi płaciać poŭny košt kamunalnych pasłuh i dziaržava maje bolš mahčymaściej, kab dapamahčy tym, kamu hetaja dapamoha bolš patrebnaja.

Hetym šlacham moža pajści i Biełaruś. Biełaruski ŭrad płanuje, što biełarusy ŭžo ŭ 2018 hodzie buduć apłačvać 100% koštu pasłuh ŽKH, i možna čakać, što biełarusy buduć płacić za kamunałku jak i ŭkraincy. Zastajecca spadziavacca, što biełaruskija ŭłady pry hetym zapuściać sistemu indyvidualnych subsidyj, jak heta zrabili va Ukrainie, kab abaranić niezamožnych hramadzian.

Paliva i transpart

U Biełarusi paliva tańniejšaje, čym va Ukrainie. Litr AI-95 u Minsku kaštuje 1.19 rubloŭ, u toj čas jak u Kijevie hety ž vid paliva kaštuje ad 1.60 da 1.96 rubloŭ. Va Ukrainie ceny na paliva nie fiksavanyja i dziaržavaj nie rehulujucca, tamu jany i adroźnivajucca ŭ zaležnaści ad kłasa i jakaści zapraŭki.

Ale pry hetym hramadski transpart va Ukrainie zusim tanny. Kvitok na aŭtobus, tramvaj, tralejbus i funikulor kaštuje 3 hryŭni (21 kapiejka), a na mietro i haradskuju elektryčku — 4 hryŭni (28 kapiejek). Ale jakaść hetaha transpartu žachlivaja (akramia, adnosna, mietro). Aŭtobusy pierapoŭnienyja i zaŭsiody spaźniajucca. Hodnyja, akuratnyja aŭtobusnyja prypynki jość tolki ŭ samym centry Kijeva.

Pavialičyć

Pavialičyć

Ustanovy hramadskaha charčavańnia

U paraŭnańni cen kafe, kaviarań i baraŭ Kijeva i Minska my sutykajemsia ź niezrazumiełym paradoksam. Niahledziačy na toje, što pradukty ŭ kramach Kijeva i Minska kaštujuć prykładna adnolkava, va ŭstanovach hramadskaha charčavańnia Kijeva ježa i napoi tańniejšyja. Pry adnolkavaj jakaści ŭ Kijevie budzie tańniej u 2 razy.

Vielmi raźvitaja i tannaja ŭ Kijevie i vuličnaja ježa. Biez prablem možna nabyć vializny kiebab sa śvininy za 40 hryvień (2.83 rub.), kuryny budzie kaštavać jašče mienš.

Pavialičyć

Mała kaštuje i ałkahol u kijeŭskich barach. Kielich piva ŭ papularnaj sietcy baraŭ «Porter-pab» kaštuje ad 1.70 rub. Va ŭstanovach na kłas vyšej ukrainskaje piva kaštuje prykładna 2.50 rub., a impartnaje kala 4 rubloŭ.

Suviaź

Vielmi tannaja ŭ Kijevie i suviaź, kali paraŭnoŭvać ź Minskam. Imavierna, heta źviazana z adsutnaściu dziaržaŭnaha manapalista ŭ śfiery telekamunikacyj.

Naprykład, mabilny apieratar Vodafone prapanuje taryf «XS» z nastupnymi ŭmovami:

— 40 hrn/miesiac (2.83 rub/miesiac).

— Bieźlimit unutry sietki.

— 1 HB 3G-internetu.

— 60 chvilin u inšyja sietki Ukrainy.

— Pakiet z 30 SMS i MMS.

A voś što prapanuje internet-pravajdar i mabilny apieratar «Kijivstar» za 259 hrn u miesiac (18.30 rub.):

Pavialičyć

— Bieźlimit unutry sietki.

— 300 chvilin u inšyja sietki.

— 6 HB mabilnaha 3G-internetu.

— Anlim na sacsietki, muzyku i videa.

— 100-miehabitny chatni bieźlimitny internet.

— 108 ličbavych telekanałaŭ.

Nieruchomaść

Ceny na arendu kvater, a taksama na rynku druhasnaha žylla ŭ Minsku i Kijevie amal adnolkavyja. A voś novyja kvatery ŭ Kijevie tańniejšyja. U Minsku 1 kv.m. u novabudoŭli katehoryi «Standart» kaštuje pryblizna 1030—1190 dalaraŭ, a Kijevie košt kvadratnaha mietra ŭ hetaj katehoryi składaje 660 dalaraŭ.

Pavialičyć

Siaredni zarobak

U listapadzie 2016 h. siaredni zarobak u Kijevie byŭ 9008 hryvień (636.87 rubloŭ). U Minsku ŭ anałahičnym miesiacy siaredni zarobak składaŭ 1008.1 rubloŭ.

• 0
• 0
• 0
• 0
• 0
• 0
• 0
• 0