Jak paviedamlaje hazieta «Kamiersant» sa spasyłkaj na blizkuju da FSB krynicu, u kancy śniežnia byŭ zatrymany kiraŭnik adździeła pa rasśledavańni kibierzłačynstvaŭ «Łabaratoryi Kaśpierskaha» Rusłan Stajanaŭ. U ciapierašni čas jon znachodzicca ŭ SIZA «Lafortava». Vydańnie śćviardžaje, što aryšt Stajanava moža być źviazany z rasśledavańniem u dačynieńni da adnaho z namieśnikaŭ kiraŭnika centra infarmacyjnaj biaśpieki FSB Siarhieja Michajłava.
Krynicy haziety śćviardžajuć, što rasśledavańnie ŭ dačynieńni da Michajłava viadzie Upraŭleńnie ŭłasnaj biaśpieki FSB. Jon padazrajecca ŭ parušeńni st.275 KK Rasii («Dziaržaŭnaja zdrada»). Nibyta Michajłaŭ atrymaŭ hrošy ad adnoj z zamiežnych arhanizacyj pry pasiarednictvie supracoŭnika rasijskaj kampanii ŭ śfiery infarmacyjnaj biaśpieki.
Surazmoŭcy «Kommiersanta» śćviardžajuć, što sprava ŭ dačynieńni da Michajłava moža adbicca na rynku kibierbiaśpieki i elektronnaj kamiercyi. Pa ich słovach, mienavita Michajłaŭ «pa sutnaści kuryravaŭ uvieś internet-biznes u Rasii». Zasnavalnik Chronopay Pavieł Urubleŭski kaža, što supracoŭnik FSB «niefarmalna vyznačaŭ palityku ŭsioj haliny». Akramia hetaha jon uvachodziŭ u kłastar pa infarmacyjnaj biaśpiecy Rasijskaj asacyjacyi elektronnych kamunikacyj.
Pa dadzienych haziety, top-mieniedžar «Łabaratoryi Kaśpierskaha» Stajanaŭ da 2006 hoda pracavaŭ u kiraŭnictvie admysłovych techničnych mierapryjemstvaŭ HUUS Maskvy (upraŭleńnie «K»).
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary