Novy prezident ZŠA Donald Tramp, jak čakajecca, u sieradu padpiša ŭkaz ab časovaj zabaronie na ŭjezd u krainu biežancaŭ, a taksama hramadzian siami blizkaŭschodnich i afrykanskich krain, paviedamlaje Reuters sa spasyłkaj na krynicy ŭ Kanhresie i śpiecyjalistaŭ u śfiery imihracyi, piša Dožd́.
Čakajecca, što zabarona zakranie biežancaŭ za vyklučeńniem relihijnych mienšaściaŭ, jakija zaznali ŭcisk na radzimie, i budzie dziejničać da momantu ŭviadzieńnia bolš žorstkaj sistemy kantrolu.
Siarod krain, hramadzianam jakich zabaroniać ujezd u ZŠA — Siryja, Irak, Iran, Livija, Samali, Sudan i Jemien.
Tramp moža zahadać Dziarždepartamientu spynić vydavać vizy hramadzianam hetych krain, a taksama zabaranić pamiežnym słužbam puskać u ZŠA tych, u kaho vizy ŭžo jość, paviedamili surazmoŭcy Reuters.
Pa ich dadzienych, Tramp u sieradu taksama moža padpisać ukazy, źviazanyja z achovaj miažy, a da pytańnia ab biežancach viarnucca paźniej na hetym tydni. Čakajecca, što jon taksama rasparadzicca pačać budaŭnictva ściany ź Mieksikaj i pryniać miery pa abmiežavańni kolkaści nielehalnych mihrantaŭ, jakija znachodziacca ŭ ZŠA.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary