Pabačyŭ śviet pieršy zbornik Jeŭrapiejskaha humanitarnaha ŭniviersiteta «Palityka i hramadstva ŭ Biełarusi»

Departamient sacyjalnych i palityčnych navuk Jeŭrapiejskaha humanitarnaha ŭniviersiteta (EHU) u supracoŭnictvie z Fondam Konrada Adenaŭera pačaŭ ažyćciaŭlać prajekt pa vydańni małaviadomych i maładastupnych u Biełarusi krytyčnych palitałahičnych daśledavańniaŭ niadaŭnich vypusknikoŭ palitałahičnych prahram EHU.

Pieršy zbornik prac maładych palitołahaŭ i palitałahiniaŭ, jakija navučalisia ŭ EHU na prahramie «Palitałohija i jeŭrapiejskija daśledavańni», achoplivaje takija śfiery, jak palityčnaja sacyjałohija, palityčnaja kultura i hiendarnaja palitałohija. Pry hetym usie daśledavańni tyčacca Biełarusi, i ŭ hetym hałoŭnaja skiravanaść tekstaŭ i zbornika — analiz małaviadomych tem palityčnaha va ŭmovach Biełarusi. Hetym zbornikam EHU padkreślivaje jašče raz nakiravanaść palityčnaj navuki, što raźvivajecca ŭ miežach univiersiteta, pieravažna na biełaruskuju temu. Takim čynam, metaj zbornika źjaŭlajecca papularyzacyja palitałahičnych daśledavańniaŭ ab Biełarusi i adnačasova demarhinalizacyja biełaruskaj niezaležnaj palityčnaj navuki.

U pieršym zborniku pradstaŭlenyja pracy Alaksandra Hierasimienki («Palityčny ŭdzieł i internet-płatformy: jak novyja kamunikacyjnyja technałohii dapamahajuć biełaruskim hramadskim aktyvistam»), Taćciany Šapućka («Palityčnaja mifatvorčaść u Biełarusi ŭ pieryjad 1994—2010 hh.: dyskurs kirujučaj elity»), Volhi Hajduk («Palityčnyja śviaty jak sposab farmirvańnia ŭjaŭleńniaŭ ab nacyi i dziaržavie ŭ Biełarusi, 1996—2014 hh.»), Darji Masłanavaj («Hramadzianskaja i palityčnaja aktyŭnaść biełaruskich studentaŭ: analiz na prykładzie studentaŭ EHU») i Hanny Marcinovič («Paraŭnalny analiz uzroŭniu hiendarnaj roŭnaści Francyi, Litvy i Biełarusi»).

Anłajn-viersija zbornika dastupna dla čytačoŭ pa-biełarusku i pa-anhlijsku.

EHU i Fond Konrada Adenaŭera raźličvajuć na toje, što dadzieny zbornik stanie rehularnym i budzie pastajanna znajomić čytača z navinkami palitałahičnaj dumki Biełarusi i palityčnaha analizu. U hetym supadajuć žadanńni EHU i Fonda Konrada Adenaŭera nablizić daśledčuju častku da praktyčnaj i paspryjać kansalidacyi i demakratyzacyi Biełarusi praz navukovy, intelektualny, adkryty da debataŭ i rozdumu kanał.

Zbornik pryznačany pieradusim dla jeŭrapiejskich i biełaruskich palitykaŭ, aktyvistaŭ, palitołahaŭ, a taksama dla ŭsich tych, chto cikavicca alternatyŭnaj viedaj ab Biełarusi.

Pa słovach kiraŭnika biełaruskaha adździaleńnia Fonda Konrada Adenaŭera d-ra Volfhanha Zendera: «Paśla niadaŭnich palityčnych pracesaŭ u Biełarusi i vakoł jaje, kraina patraplaje ŭsio bolš u prastoru ŭvahi jeŭrapiejskaj palityki. Dadzienaja publikacyja dazvalaje nam pavysić dastupnaść analityčnych spravazdačaŭ, jakija prapanujuć abjektyŭnyja i aktualnyja vyniki daśledvańniaŭ dla ekśpiertaŭ, vučonych i palitykaŭ. My hanarymsia ŭdziełam u hetaj novaj formie supracoŭnictva ź EHU».

Pačynajučy z aficyjnaha adnaŭleńnia pracy ŭ Vilni ŭ 2006 hodzie, ŭniviersitet skončyli 192 bakałaŭra i mahistra palitałohii. Na siońniašni dzień EHU ažyćciaŭlaje navučańnie pa nastupnych palitałahičnych prahramach:

• Bakałaŭrskaja prahrama dvajnoha dypłoma «Suśvietnaja palityka i ekanomika» (realizujecca ŭ supracoŭnictvie z Univiersitetam Vitaŭta Vialikaha ŭ Koŭnie);
• Mahistarskaja prahrama «Publičnaja palityka».

Pa ŭsich pytańniach, jakija datyčacca zbornika, prosim źviartacca da kiraŭnika Akademičnaha departamienta sacyjalnych i palityčnych navuk dac. Andreja Ściapanava pa eł. pošcie andrei.stsiapanau @ ehu.lt.

• 0
• 0
• 0
• 0
• 0
• 0
• 0
• 0