Supracoŭniki MUS Biełarusi kanfiskavali ŭ fihurantaŭ spravy ab pastaŭkach narkotykaŭ z-za miažy karcinu Ivana Šyškina, vykradzienuju z adnaho z rasijskich muziejaŭ.
Pravaachoŭnyja orhany, paviedamlajecca na sajcie MUS Biełaruś, atrymali apieratyŭnuju infarmacyju pra toje, što ŭ studzieni płanujecca pastaŭka ŭ krainu partyi narkotykaŭ z Rasii i adnačasovaje viartańnie ŭ Maskvu niejkaj darahoj karciny.
Kurjery, što pieravozili narkotyki i karcinu, byli zatrymanyja. Kanfiskavanaje ŭ ich pałatno było papiarednie identyfikavana jak karcina Šyškina «Les. Jaliny», jakija ličacca ŭ bazie vykradzienych pradmietaŭ mastactva Interpała.
Pa papiarednich dadzienych, karcinu pryvozili ŭ krainu, kab pakazać patencyjnamu pakupniku ź Jeŭropy, adnak baki nie syšlisia ŭ canie i ździełka nie adbyłasia.
Karcinu płanavałasia adpravić nazad u Rasiju, dzie ŭ Maskvie jaje pavinny byli pradać hramadzianinu adnoj z krain ES za 100 tysiač dalaraŭ i try kiłahramy kakainu.
Karcina pieradadziena ŭ Nacyjanalny mastacki muziej Respubliki Biełaruś, śpiecyjalisty jakoj papiarednie pryznali jaje sapraŭdnaść.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary