Dačka śpievaka Majkła Džeksana, Perys, upeŭniena, što śmierć jaje baćki ŭ 2009 hodzie była hvałtoŭnaj. Pra heta 18-hadovaja Perys Džeksan raspaviała ŭ intervju časopisu Rolling Stone, frahmienty ź jakoha pryvodzić The Telegraph.
telegraph.co.uk
Pa słovach Džeksan, jaje baćka nieadnarazova namiakaŭ, što chtości žadaje jaho śmierci. Majkł Džeksan, raspaviała Perys, kazaŭ, što «adnojčy jany zabjuć mianie». Na pytańnie, chto moh žadać śmierci jaje baćki, dačka Džeksana adkazała: «Šmat ludziej».
Dačka śpievaka padkreśliła, što ŭpeŭniena ŭ tym, što Majkł Džeksan byŭ zabity. «Usio ŭ siamji heta viedajuć», - skazała jana, dadaŭšy, što budzie damahacca spraviadlivaści ŭ pytańni ab pryčynach śmierci jaje baćki.
***
Majkł Džeksan pamior 29 červienia 2009 hoda ŭ svaim domie ŭ Łos-Andželesie. Pryčynaj śmierci śpievaka, jak vyśvietliła rasśledavańnie, stała pieradaziroŭka lekavych preparataŭ, u tym liku mocnaha siedatyŭnaha srodku — prapafołu.
Doktar Džeksana Konrad Miurej, jaki zrabiŭ injekcyju, jakaja stała dla śpievaka śmiarotnaj, u 2011 hodzie byŭ pryznany vinavatym u nienaŭmysnym zabojstvie i asudžany na 4 hady turmy.
