Maltyjski orden paćvierdziŭ adstaŭku kniazia i vialikaha mahistra Mećju Fiestynha, paviedamlajuć infarmahienctvy sa spasyłkaj na aficyjnych pradstaŭnikoŭ najstarejšaha rycarskaha relihijnaha ordena.
Reuters
Pa ich słovach, u bližejšy čas vialiki mahistr aficyjna pradstavić svaju adstaŭku. Časova vykonvać abaviazki mahistra budzie vialiki kamandor. Paźniej Rada ordena źbiarecca, kab abrać novaha vialikaha mahistra. Charakterna, što zvyčajna jon abirajecca na pažyćciovy termin, a jaho adstaŭka źjaŭlajecca dosyć nieardynarnaj padziejaj.
Adznačajecca, što Mećju Fiestynh pryniaŭ takoje rašeńnie paśla sustrečy z papam Franciškam, jaki paprasiŭ jaho pakinuć pasadu. Padstavaj dla patrabavańnia Franciška ab adstaŭcy kiraŭnika ordena pasłužyŭ skandał, jaki razhulaŭsia ŭ śniežni minułaha hoda vakoł vialikaha kanclera Albrechta Frejchiera.
Maltyjski orden padtrymlivaje dypłamatyčnyja adnosiny z 105 dziaržavami.
