U Biełarusi stvoranaja rabočaja hrupa pa stymulavańni dziełavoj aktyŭnaści, vyklučeńni zališnich patrabavańniaŭ da sub`iektaŭ haspadarańnia, udaskanaleńni kantrolna-nahladnaj dziejnaści na čale z Alaksandram Łukašenkam.
Pra heta paviedamiŭ žurnalistam sustaršynia Respublikanskaj kanfiederacyi pradprymalnictva Viktar Marhiełaŭ. Pavodle jaho słoŭ, hrupa stvoranaja rasparadžeńniem prezidenta 13 studzienia. «Siabie prezident pryznačyŭ kiraŭnikom hrupy, u jaje ŭvachodziać kiraŭnik Administracyi prezidenta, pradstaŭniki ministerstvaŭ, Kamiteta dziaržkantrolu i siem-vosiem pradstaŭnikoŭ biźniesu, u tym liku ja. Paślazaŭtra pieršaje pasiadžeńnie», — skazaŭ Marhiełaŭ.
Pavodle jaho słoŭ, dziełavaja supolnaść na pasiadžeńni kansultatyŭna-kaardynacyjnaha savieta 20 studzienia ŭžo vypracavała prapanovy, jakija budzie abmiarkoŭvać u ramkach rabočaj hrupy. «Treba prymać śmiełyja rašeńni», — ličyć Marhiełaŭ.
U pryvatnaści, pradstaŭniki biźnies-sajuzaŭ płanujuć vystupić z prapanovami pa stratehii raźvićcia małoha i siaredniaha pradprymalnictva da 2030 hoda, jakaja rychtujecca zaraz.
Rasparadžeńnie ab stvareńni rabočaj hrupy pakul aficyjna nie apublikavanaje.
