Linija elektrobusaŭ budzie zapuščanaja ŭ Minsku viasnoj biahučaha hoda.Pra heta paviedamiŭ siońnia staršynia Dziaržaŭnaha kamiteta pa navucy i technałohijach (DKNT) Alaksandr Šumilin na pres-kanfierencyi, pryśviečanaj Dniu biełaruskaj navuki, pieradaje BiełTA.
«Hetaj viasnoj (da 1 sakavika abo da 1 krasavika) u Minsku budzie zapuščana linija, na jakuju vyjduć 20 elektrobusaŭ. Kožny hramadzianin zmoža aprabavać novy vid transpartu», — skazaŭ Alaksandr Šumilin.
Jon nahadaŭ, što pieršy elektrobus u Biełarusi byŭ zapuščany pierad Novym hodam. «Kala 60% elemientaŭ elektrobusa — biełaruskaj raspracoŭki», — adznačyŭ staršynia DKNT.
Alaksandr Šumilin taksama raspavioŭ, što ŭ Hrodnie zapuskajecca linija hramadskaha transpartu, na jakuju vyjduć tralejbusy sa značnym aŭtanomnym chodam. «Častku maršrutu padobny tralejbus budzie jechać na akumulatarach, a častku — jak zvyčajny tralejbus. Heta raspracoŭka pradpryjemstva «Biełkamunmaš», — dadaŭ jon.