Arbitražnaja panel Suśvietnaj handlovaj arhanizacyi (SHA) pryznała niezakonnymi ŭviedzienyja Rasijaj antydempinhavyja pošliny na lohkija kamiercyjnyja aŭtamabili ź Jeŭrasajuza. Pra heta havorycca ŭ paviedamleńni Jeŭrakamisii.
Kasutatud autod via delfi.ee
Pa słovach jeŭrakamisara pa handli Siesilii Malmstrom, «heta vielmi kankretnaje rašeńnie SHA suprać niadobrasumlennych, pratekcyjanisckich i antykankurentnych mier, jakija my bačym siońnia ŭ Rasii». Pavodle jaje słoŭ, Rasija nie vykanała šerah patrabavańniaŭ SHA, uvioŭšy antydempinhavyja pošliny ŭ 2013 hodzie, pamier jakich składaŭ ad 23 da 30 pracentaŭ, što paŭpłyvała na ekspart italjanskich i hiermanskich aŭtamabilaŭ.
Malmstrom zajaviła, što ciapier hetyja miery pavinny być admienienyja. «Ja čakaju, što ciapier Rasija vykanaje svaje mižnarodnyja abaviazacielstvy biez zatrymki», — adznačyła jeŭrakamisar.
Zhodna z praviłami SHA, na praciahu 60 dzion Rasija moža padać apielacyju na hetaje rašeńnie.
***
ES padaŭ pazoŭ u SHA suprać rasijskich antydempinhavych pošlin na lohkija kamiercyjnyja aŭtamabili ŭ mai 2014 hoda. Hety zvarot staŭ trecim z boku ES da Rasii paśla jaje ŭstupleńnia ŭ SHA ŭ 2012 hodzie.
U 2013 hodzie Rasija na piać hadoŭ ŭviała antydempinhavyja pošliny na lohkija kamiercyjnyja aŭtamabili vytvorčaści Turcyi, Italii i Hiermanii.
Antydempinhavyja pošliny byli ŭviedzienyja na terytoryi ŭsiaho Jeŭrazijskaha ekanamičnaha sajuza (Rasija, Biełaruś, Kazachstan, Armienija, Kyrhyzstan), i ES raźličvaje na ich admienu.