Pradprymalniki zładzili pikiet la Ministerstva ekanomiki VIDEA
Prykładna dva dziasiatki čałaviek sabralisia 30 studzienia la budynka Ministerstva ekanomiki ŭ Minsku, dzie ŭ 15.00 pavinna pačacca pasiadžeńnie rabočaj hrupy pa pytańniach dziejnaści IP pry hramadska-kansultatyŭnaj radzie pa raźvićci pradprymalnictva.
Na sustrečy pavinien abmiarkoŭvacca prajekt ukaza ab spraščeńni dziejnaści indyvidualnych pradprymalnikaŭ, raspracavany RHA «Pierśpiektyva», abo tak zvany narodny prajekt.
Šumčanka paviedamiŭ žurnalistam, što padrychtavaŭ da siońniašniaj sustrečy zvarot da ŭładaŭ z patrabavańniem pryniać raspracavany «Pierśpiektyvaj» prajekt ukaza. Jon prapanuje členam rabočaj hrupy padpisać hety zvarot. U im adznačajecca, što «za apošni čas umovy pracy IP u častcy roźničnaha handlu praciahvajuć paharšacca»; «stanovišča na rynkach i ŭ handlovych centrach praciahvaje zastavacca napružanym, hatovym vybuchnuć chvalavańniami ŭ luby momant i pryvieści da masavych akcyj pratestu pa ŭsioj krainie».
Pradprymalniki pratestujuć suprać vysokich padatkaŭ, zaznačajučy, što IP stała vielmi ciažka pracavać.
«My nie chočam zakryvacca i pierachodzić u katehoryju darmajedaŭ», — kaža adna žančyna.
«My choć stvarajem niejkija rabočyja miescy. A kudy nam iści? Sacyjalnaja piensija zaraz vielmi maleńkaja».
Kamientary