U Minsku milicyja zatrymała žurnalista Hramadskaha telebačańnia Danbasa i zapatrabavała pakinuć Biełaruś
Incydent adbyŭsia ŭ hateli, dzie spyniłasia zdymačnaja hrupa niezaležnaha ŭkrainskaha telekanała, jaki viaščaje na Danbas. Ad Vitala Sizova zapatrabavali pakinuć terytoryju Biełarusi z-za rasijskich śpisaŭ niepažadanych asob.
Karespandent telekanała Vital Sizoŭ pryjechaŭ u Minsk, kab zrabić repartaž pra pasiadžeńnie Trochbakovaj kantaktnaj hrupy pa Danbasie, jakoje projdzie siońnia ŭ Minsku. U Vitala Sizova jość akredytacyja MZS Biełarusi, žurnalisty hetaha telekanała nie adzin raz byvali ŭ Minsku.
A 02.45 pa minskim časie ŭ numar hatela, dzie spyniłasia zdymačnaja hrupa Hramadskaha telebačańnia Danbasu, uvajšli biełaruskija milicyjanty i siłaj zabrali Sizova ŭ RUUS Centralnaha rajona. Pryčyna zatrymańnia — nibyta znachodžańnie Vitala ŭ rasijskich śpisach asob, jakim zabaronieny ŭjezd.
Jak paviedamiŭ pradstaŭnik Hramadskaha telebačańnia Danbasa Alaksiej Macuka, Vitala Sizova vyzvalili kala 7-j hadziny ranicy.
«Tut mnie raspaviali, što Rasijskaja Fiederacyja zabaraniła mnie ŭjezd na jaje terytoryju da 2021 hoda. Biełaruś i Rasija źjaŭlajucca sajuznaj dziaržavaj, tamu zabarona na ŭjezd raspaŭsiudžvajecca i na Biełaruś. U rajadździele mnie niekalki razoŭ paŭtaryli, što zabarona na ŭjezd — inicyjatyva Rasii, da jakoj Biełaruś nie maje dačynieńnia, tamu daviedacca pryčyny zabarony ja nie zmoh. Mnie rekamendavali pakinuć Biełaruś ciaham 24 hadzin, što ja i tak płanavaŭ zrabić. Dziakuj ukrainskamu konsulstvu i ambasadzie za apieratyŭnuju reakcyju i dapamohu. Sa mnoj usio ŭ paradku», — paviedamiŭ sam Vital Sizoŭ paśla vyzvaleńnia.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary