Biełaruś 1 lutaha pavysiła ekspartnyja pošliny na naftu i naftapradukty, jakija vyvoziacca za miežy mytnaj terytoryi Jeŭrazijskaha ekanamičnaha sajuza (JEAES). Heta praduhledžana pastanovaj Savieta ministraŭ ad 26 studzienia 2017 hoda № 75.
Staŭka ekspartnaj pošliny na syruju naftu pavyšana z 79,1 da 89,5 dołara za tonu. Pošlina na pramahonny bienzin — z 43,5 da 49,2 dołara za tonu, na tavarnyja bienziny — z 23,7 da 26,8 dołara za tonu.
Pošlina na lohkija, siarednija dystylaty składaje 26,8 dołara za tonu (raniej — 23,7). Takaja ž pošlina ŭstanoŭlena ŭ dačynieńni da dyzielnaha paliva, bienzołu, tałuołu, ksiłołaŭ, zmazačnych i inšych masieł.
U papiaredni raz staŭki vyvaznych mytnych pošlin u dačynieńni da syroj nafty i asobnych katehoryj tavaraŭ, vypracavanych z nafty, mianialisia 1 studzienia 2017 hoda — jany byli źnižany.
U ramkach isnujučych damoŭlenaściaŭ Rasija pastaŭlaje ŭ Biełaruś naftu i naftapradukty biez ekspartnych pošlin. Pošliny vypłačvajucca ŭ rasijski dziaržbiudžet pry ažyćciaŭleńni Biełaruśsiu reekspartu hetych tavaraŭ za miežy mytnaj terytoryi JEAES albo ekspartu naftapraduktaŭ, vypracavanych z rasijskaj nafty. Pamiery ekspartnych pošlin ŭstanaŭlivajucca ŭzhodniena ŭradami dźviuch krain i zaležać ad cen na naftu.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary