1 lutaha ŭ Biełarusi na 5,58 rubla pavialičany biudžet pražytačnaha minimumu (BPM) u siarednim na dušu nasielnictva — ciapier jon składaje 180,10 rubla.
Zhodna z pastanovaj Ministerstva pracy i sacyjalnaj abarony, novy narmatyŭ budzie dziejničać pa 30 krasavika 2017 hoda.
Z pačatku 2016 hoda BPM štokvartalna pavialičvaŭsia, a 1 listapada byŭ źmienšany na 98 kapiejek z-za panižeńnia cen na płodaaharodninnuju pradukcyju ŭ pieryjad jaje masavaj narychtoŭki i značnaj udzielnaj vahi hetaha artykuła raschodaŭ u praduktach charčavańnia, piša BiełaPAN.
U suviazi sa źmienaj BPM 1 lutaha 2017 hoda pavialičanyja: minimalnyja pracoŭnyja i sacyjalnyja piensii; nadbaŭki, pavyšeńni da piensij i dapłaty asobam va ŭzroście 75 hadoŭ i starejšym, jakija atrymlivajuć piensii ŭ orhanach pa pracy, zaniataści i sacyjalnaj abaronie; dapamohi pa dohladzie invalida I hrupy ci asoby, jakaja dasiahnuła 80-hadovaha ŭzrostu; dapamohi na dziaciej — pry naradžeńni dziciaci (pieršaha dziciaci — 10 BPM, druhoha i nastupnych dziaciej — 14 BPM), pa dohladzie dziciaci-invalida va ŭzroście da 18 hadoŭ (1 BPM), na dziaciej va ŭzroście ad troch da 18 hadoŭ u pieryjad vychavańnia dziciaci va ŭzroście da troch hadoŭ (0,5 BPM), na dziaciej starejšych za try hady z asobnych katehoryj siemjaŭ (0,5 BPM, 0,7 BPM), na dziaciej va ŭzroście da 18 hadoŭ, infikavanych virusam imunadeficytu čałavieka (0,7 BPM); inšyja sacyjalnyja vypłaty, jakija vyličajucca z pamieru BPM.
Zaćvierdžany taksama novy BPM dla asnoŭnych sacyjalna-demahrafičnych hrup nasielnictva: pracazdolnych hramadzian — u pamiery 198,63 rubla; piensijanieraŭ — 138,80; studentaŭ — 175,24; dziaciej da troch hadoŭ — 116,83; dziaciej ad troch da šaści hadoŭ — 160,61; dziaciej ad šaści da 18 hadoŭ — 197,40 rubla.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary