Ctaršynia Jeŭrapiejskaj rady Donald Tusk miarkuje, što «zajavy novaj amierykanskaj administracyi» robiać budučyniu Jeŭropy «vielmi niepradkazalnaj».
Upeŭnienaść u hetym palityk vykazaŭ u pasłańni, adrasavanym 27 kiraŭnikam dziaržaŭ i ŭradaŭ krain Jeŭraźviaza napiaredadni samita ES, zapłanavanaha na 3 lutaha ŭ stalicy Malty — Valeta. Dakumient raźmieščany 31 studzienia na sajcie Jeŭrarady.
Dziejańni administracyi novaha prezidenta ZŠA Donalda Trampa nazvany ŭ liku asnoŭnych pahroz Jeŭropie, — razam z «naporystym Kitajem», «ahresiŭnaj palitykaj Rasii ŭ adnosinach da Ukrainy i jaje susiedziaŭ», «vajnoj, teroram i anarchijaj na Blizkim Uschodzie i ŭ Afrycy» i rostam ŭpłyvu radykalnaha isłamu. Na dumku staršyni Jeŭrarady, va ŭmovach uzmacnieńnia šmatpalarnaści ŭ śviecie antyjeŭrapiejski tendencyi i nastroi jeŭraskieptykaŭ ŭsio bolš adčuvalnyja.
Na hetyja źmieny Jeŭropa pavinna adkazać cełym šeraham rašučych krokaŭ, jakija dazvolać vyvieści «jeŭrapiejskuju intehracyju na novy ŭzrovień», miarkuje Tusk.
Havorka idzie pra ŭzmacnieńnie biaśpieki ŭnutry Jeŭrasajuza i na jaho miežach, a taksama ab lepšym zabieśpiačeńni sacyjalna-ekanamičnaha dabrabytu jeŭrapiejskich hramadzian, skazaŭ palityk. Jon taksama vykazaŭ upeŭnienaść u tym, što ES nie pavinien admaŭlacca ad roli viadučaha handlovaha hulca na suśvietnaj arenie.
«My pavinny vykarystoŭvać źmieny ŭ handlovaj stratehii ZŠA na karyść Jeŭrasajuzu šlacham aktyvizacyi pieramoŭ z zacikaŭlenymi partniorami i adnačasovaj abarony svaich intaresaŭ», — padkreśliŭ kiraŭnik Jeŭrarady
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary