U Vialikabrytanii ŭstupiŭ u siłu zakon ab paśmiarotnym pamiłavańni mužčyn, jakija byli asudžany za homaseksualnyja adnosiny. Takim čynam, jak havorycca na sajcie brytanskaha ŭrada, u krainie aficyjna pamiłavanyja tysiačy ludziej.
Zakon taksama harantuje pamiłavańnie asudžanym, što žyvuć ciapier, kali jany projduć farmalnuju praceduru źniaćcia sudzimaści. Heta abmiežavańnie ŭviedziena dla taho, kab asudžanyja za zhvałtavańnie ci seks z małaletnimi nie mahli ličycca pamiłavanymi.
Inicyjatyva atrymała nazvu «zakon Ćjurynha» u honar navukoŭca Ałana Ćjurynha, jaki ŭ 1952 hodzie byŭ asudžany za suviaź z mužčynami i nieŭzabavie skončyŭ žyćcio samahubstvam. Jon byŭ paśmiarotna pamiłavany karalevaj Lizavietaj II u 2013 hodzie.
U Vialikabrytanii homaseksualnyja adnosiny pamiž mužčynami byli pa-za zakonam na praciahu stahodździaŭ (adnapołyja suviazi pamiž žančynami — nie). U 1533 hodzie byŭ pryniaty zakon, pa jakim hiejaŭ karali śmierciu; hetaje pakarańnie było admieniena ŭ 1861 hodzie.
U Anhlii i Uelsie pakarańnie za homaseksualnyja adnosiny było admieniena ŭ 1967 hodzie, u Šatłandyi i Paŭnočnaj Irłandyi — u pačatku 1980-ch.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary