Parotnikaŭ: «Zamiest vučeńniaŭ «Zachad-2017» moža być takaja baraćba za mir, što…»
«Historyja pra 4162 vahony dla vajennych pieravozak z Rasii ŭ Biełaruś sioleta pieršapačatkova była z razradu «hłyboka ŭzdychnuć i pačakać», — piša ŭ fejsbuku kiraŭnik prajekta Belarus Security Blog Andrej Parotnikaŭ. —
Pa ŭsich praviłach sučasnaha infarmacyjnaha hramadstva, kali zaŭtra nichto nie ŭspomnić, što było pazaŭčora, hetaja tema pavinna była b daŭno źniknuć z abarotu. Ale voś užo treci miesiac pastajanna pa hetaj nahody adbyvajecca «nakid na vientylatar». Na minułym tydni svoj załp śviadomaści vydaŭ pradstaŭnik ukrainskaha bamondu, i burleńnie pačałosia z novaj siłaj.
Hledziačy na ŭsio heta, pačynaju adčuvać kompleks niepaŭnavartaści: pakul ludzi źbiantežanyja hłabalnymi pytańniami čarhovaj tradycyjnaj akupacyi Rasijaj Biełarusi, ja kałupajusia z ramontam vannaj. Napeŭna, heta tamu, što ja nie pieranošu fentezi, a addaju pieravahu faktam.
A jany takija:
1. 4162 vahony vajennych hruzaŭ u 2017 hodzie — heta ŭ abodva baki, h.zn. 2081 tudy i stolki ž nazad.
2. Paraŭnańnie tendaru MA RF 2016 hoda z papiarednimi hadami niedarečnaje, bo ŭ hety raz jany zahnali na tendar usie mierkavanyja abjomy pieravozak, a ŭ minułyja hady pa konkursie zakuplałasia tolki niaznačnaja častka transpartnych pasłuh.
3. U Maskvie kažuć, što takim čynam (zakuplajučy ŭvieś abjom čyhunačnych pieravozak pa tendary) jany robiać zakupki prazrystymi i kankurentnymi, zmahajucca z karupcyjaj i ekanomiać biudžetnyja hrošy. U Minsku padazrajuć, što heta zroblena naŭmysna, jak elemient infarmacyjnaj pravakacyi z metaj pasiejać niedavier da biełaruskich uładaŭ z boku Zachadu i Ukrainy.
4. 2081 vahon u adzin bok, heta ŭsio roŭna šmat, bolš, čym u papiarednija hady. Hetym «vahonaparkam» možna pieravieźci dźvie poŭnyja motastrałkovyja bryhady z abozami i zapasami.
5. Samomu «Zachadu-2017» budzie papiaredničać šerah bolš drobnych dvuchbakovych vučeńniaŭ, jakija i «zžaruć» značnuju častku mierkavanaha abjomu čyhunačnych pieravozak. H. zn. u «Zachadzie» z rasijskaha boku budzie ŭdzielničać sukupna kala 1 bryhady.
6. Na siońniašni dzień «Zachad» bačycca ź Minska jak vučeńni dyvizijonnaha ŭzroŭniu z maksimalnym likam udzielnikaŭ da 13 tys. čałaviek ad abodvuch bakoŭ. H. zn. nijakuju ni 1-ju tankavuju, ni 128 akopna-tačanačnuju armiju ŭ Biełarusi nie čakajuć.
7. I ŭ zaviaršeńnie — imaviernaść taho, što «Zachad-2017» adbudziecca, vielmi vialikaja. Ale ŭžo nie absalutnaja. Kali vučeńni pa niejkaj zručnaj pryčynie nie adbuducca, to daloka nie ŭse ŭ Minsku buduć ździŭlenyja. Ale admova ad «Zachadu» budzie zakanamierna aznačać pierarastańnie biełaruska-rasijskich palityka-ekanamičnych supiarečnaściaŭ u poŭnamaštabny kanflikt, paśla jakoha moža pačacca «takaja baraćba za mir, što kamienia na kamieni nie zastaniecca». U pieranosnym, viadoma, značeńni. Čas dla badańnia z Kramlom ciapier nie lepšy. Budziem spadziavacca, što ŭ adnaho ŭsim viadomaha piersanaža niervy akažucca macniejšymi, čym viečaram 19 śniežnia 2010 hoda».
Kamientary