«27 studzienia — «Dzień nastaŭnika» ŭ Maładziečnie. Mienavita ŭ hety dzień nastaŭniki horada padtrymali materyjalna artysta Dźmitryja Charaćjana, jaki ładziŭ tvorčy viečar u Pałacy kultury horada, — piša «Našaj Nivie» čytačka Volha Zaleskaja. — Mabyć, u artysta zusim ciažkaje materyjalnaje stanovišča, bo nastaŭniki horada i rajona vymušany byli zapoŭnić zału pałaca i takim čynam dać zarabić artystu. Usio jano ničoha, kab dobraachvotna išli ludzi na viečar. Nastaŭniki byli vymušanyja iści. A zapoŭnić zału takim čynam vyrašyli kiraŭnictva pałaca i adździeł adukacyi. A jak ža inakš, dobry sposab apłačvać hastroli rasiejskich artystaŭ.
A Dźmitryj Charaćjan padčas viečara, peŭna, padumaŭ, što trapiŭ na Dzień nastaŭnika. Ale što jamu… Hałoŭnaje, kab hastroli apłacili.
Na sajcie pałaca padadzieny materyjał, što štohod ładzicca tut 400 mierapryjemstvaŭ. Nie śpić kiraŭnictva pałaca, nie śpić. A žychary horada nie ciešacca z hetaj ličby i adznačajuć małuju kolkaść znakavych dla biełaruskaj kultury mierapryjemstvaŭ», — piša čytačka «NN».