Čutki pra namier Biełarusi vyjści ź Jeŭrazijskaha ekanamičnaha sajuza i Sajuznaj dziaržavy, jakija źjavilisia niadaŭna ŭ rasijskich ŚMI, — «poŭnaja vydumka», zajaviŭ Alaksandr Łukašenka 3 lutaha ŭ Minsku na sustrečy z pradstaŭnikami hramadskaści i ŚMI.
Pry hetym jon pryznaŭ, što ŭ miežach intehracyjnych abjadnańniaŭ nie vyrašajucca pytańni, pra jakija raniej baki ŭžo damovilisia. «Ich treba vyrašyć, bo my ŭ hańbu pieratvarajem usie hetyja pasiadžeńni Sajuznaj dziaržavy», — skazaŭ Łukašenka.
Pavodle jaho słoŭ, ustupajučy ŭ intehracyjnyja abjadnańni z Rasijaj, Biełaruś raźličvała, što jany buduć hruntavacca «na raŭnapraŭi, što buduć roŭnyja ŭmovy». «Heta hałoŭnaje, biez hetaha nie moža być sajuzaŭ. Kali ich niama, navošta tudy iści?» — zadaŭ kiraŭnik dziaržavy pytańnie.
Łukašenka zajaviŭ, što z-za niaroŭnych cen i ŭmoŭ u miežach Mytnaha sajuza Biełaruś straciła «tolki z-za cenavaha faktaru 15 miljardaŭ dołaraŭ». «Jany pryznajuć hetuju ličbu. I voś jany nam dali až 5 miljardaŭ kredytaŭ!.. Heta dobra, zabrać u nas 15 miljardaŭ praz košty i potym nam ža dać našy ž hrošy, i to tolki treciuju častku pad pracent u try razy bolšy, čym MVF. Vorahi… Heta narmalna? I ŭśled — my kormim ich, hiry na nahach, takija-siakija», — adznačyŭ jon.
Takuju situacyju Łukašenka ličyć «nienarmalnaj». «Heta treba zakančvać, na hetym šmat nie atrymaješ. I my nie Ukraina. My — nie antyrasijskija, my nie imkniemsia ŭ NATA. My śviata bieražem našy damoŭlenaści ab abaronie našaj prastory, našaj baćkaŭščyny Biełarusi i Rasii», — dadaŭ jon.
Łukašenka chacieŭ by, kab «hety kanflikt naviersie ni ŭ jakim razie nie apuściŭsia danizu». «Tamu vielmi prašu, nikoli nie kryŭdzicie rasijan. Jany da nas pryjazdžajuć, adpačyvajuć, nie biaspłatna heta robiać. Heta našy ludzi. Prezidenty — Łukašenka, Pucin — prychodziać i sychodziać, a narody zastajucca. Heta hałoŭnaje. Rana ci pozna, my ŭsio roŭna damovimsia», — ličyć biełaruski kiraŭnik.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary