Stvareńnie pahraničnych zon ź Biełaruśsiu niekarektna paraŭnoŭvać z parušeńniem mižnarodnych abaviazacielstvaŭ, paviedamlaje pres-słužba prezidenta Rasii.
«Asacyjavać heta z parušeńniem mižnarodnych abaviazacielstvaŭ, — my ličym heta niekarektnym, i my nie možam pahadzicca z Alaksandram Ryhoravičam [Łukašenkam]», — adznačyli ŭ pres-słužbie.
Raniej Łukašenka abvinavaciŭ Rasiju ŭ tym, što jana pastaviła kryž na miždziaržaŭnych damoŭlenaściach ź Biełaruśsiu, u tym liku jakija tyčacca miažy pamiž dźviuma krainami, vydaŭšy zahady ab stvareńni pamiežnych zon.
«Prezident Biełarusi taksama vystupiŭ z šeraham krytyčnych situacyj adnosna ŭviadzieńnia pamiežnaha režymu. Heta nie tak, nijakaha pamiežnaha režymu nie ŭvodziłasia. Havorka idzie ab uviadzieńni pahraničnych zon u prylehłych da miažy rajonach», — havorycca ŭ paviedamleńni pres-słužby. U im adznačajecca, što nijakich nastupstvaŭ ad uviadzieńnia pahraničnych zon dla hramadzian Rasii i Biełarusi nie budzie.
U pres-słužbie prezidenta Rasii taksama vykazali ździŭleńnie z nahody słoŭ Łukašenki ab adkryćci kryminalnaj spravy ŭ dačynieńni da kiraŭnika Rasspažyŭnahladu Siarhieja Dankvierta. «My nie razumiejem takoha rašeńnia», — skazali ŭ pres-słužbie.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary