Biełaruś maje namier atrymać u Kitai bujny kredyt na raźvićcio małoha i siaredniaha biznesu, paviedamiŭ Alaksandr Łukašenka 3 lutaha na sustrečy z žurnalistami i ekśpiertami.
«My viadziem pieramovy z Kitajskaj Narodnaj Respublikaj, a moža, užo i skončylisia, ab pryciahnieńni 700 miljonaŭ dalaraŭ dla małoha i siaredniaha biznesu», — skazaŭ jon.
Pavodle słoŭ kiraŭnika dziaržavy, jon «mocna paviarnuŭsia tvaram da małoha i siaredniaha biznesu» paśla taho, jak daručyŭ staršyni praŭleńnia Banka raźvićcia Siarhieju Rumasu, kali jon byŭ u «Biełahraprambanku», ekavioski, ahraekaturyzm i h. d. «I my siońnia majem bolš za try tysiačy takich siadzibaŭ. I jon (Rumas) mianie ździviŭ. Usie hrošy, jakija my im dali, kredyty, jany viartajuć. Samyja sumlennyja płacielščyki pa kredytach. Kali tak, to davajcie padtrymajem mały i siaredni biznes i pa inšych napramkach», — prapanavaŭ Łukašenka.
Jon ličyć, što z kitajskim bokam udasca damovicca. «I niejkuju sumu, mahčyma, nie adrazu 700 miljonaŭ, pavodle patreby my budziem śpiecyjalna vydzialać pad niejkija prajekty: siamiejny biznes, chto-niebudź niešta zrabiŭ u haražy — chaj rehistrujecca i sumlenna pracuje», — skazaŭ Łukašenka.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary