Łukašenka: Biełaruś pakul nie saśpieła dla ŭviadzieńnia pryvatnaj ułasnaści na ziamlu
Biełaruś pakul nie saśpieła dla ŭviadzieńnia pryvatnaj ułasnaści na ziamlu. Takoje mierkavańnie vykazaŭ Alaksandr Łukašenka na sustrečy z pradstaŭnikami hramadskaści i ŚMI 3 lutaha.
«Usie chočuć pryvatnuju ŭłasnaść na ziamlu. Nie saśpieli pakul my da hetaha. Nie treba śpiašacca», — ličyć kiraŭnik dziaržavy. Prablemy ŭ hetym pytańni jon nie bačyć. «Nu, addajem u arendu na praciahły pieryjad. Kali łaska, idzi pracuj. A čym adroźnivajecca arenda ad pryvatnaj ułasnaści? Voś pryvatnuju ŭłasnaść nichto nie adbiare? Dy kińcie vy. Kali vy parušycie zakon, u vas adbiaruć vašu ŭłasnaść. U nas ža kanfiskacyja majomaści pa zakonie vyznačana. A čym adroźnivajecca ziamla ad niejkaj inšaj majomaści? Nie ŭ hetym sprava. Nie treba na hetym zacyklivacca», — skazaŭ Łukašenka.
Na jaho dumku, «usio dla taho, kab žyć i pracavać spraviadliva i sumlenna, u nas jość». «Kali ty ŭziaŭ ziamlu ŭ arendu dla sielhaspryznačeńnia, zajmajsia sielskaj haspadarkaj, kali ty hetuju ziamlu ŭziaŭ dla prysiadzibnaha ŭčastka i absłuhoŭvańnia doma, kali łaska, zajmajsia hetym, tolki nie chłusi. Nie mahu dapuścić taho, jak heta ŭ Rasii: kudy ni kiń vokam — pustujučyja ŭčastki», — dadaŭ kiraŭnik dziaržavy.
Jak ličyć Łukašenka, adsutnaść u Biełarusi pryvatnaj ułasnaści na ziamlu — adna z pryčyn taho, što «ziamla ŭ krainie dahledžanaja, usie jeduć i zajzdrościać». «Nie vialiki my pakul jašče krok zrabili pa kultury ziemlarobstva, ale mnohaje ŭžo zrabili i adroźnivajemsia ad našych susiedziaŭ», — padkreśliŭ biełaruski kiraŭnik.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary