Ministerstva zamiežnych spraŭ Abchazii, jakaja de-fakta adkałołasia ad Hruzii, zajaviła, što pryniataje napiaredadni rašeńnie Jeŭraparłamienta ab admienie vizavaha režymu dla hramadzian Hruzii nie tyčycca hramadzian Abchazii, piša VVS.
Zajavu ministra zamiežnych spraŭ Hruzii Michaiła Džanielidze ab tym, što biaźvizavym režymam zmohuć karystacca žychary rehijonaŭ, jakija adkałolisia ad Hruzii, Suchumi nazyvaje «čarhovaj niazhrabnaj sprobaj tbiliskich uładaŭ «uciahnuć» hramadzian Respubliki Abchazija ŭ palityka-pravavuju prastoru Hruzii».
«Niama sumnievaŭ, što hetaja novaja sproba Tbilisi ŭciahnuć hramadzian našaj krainy ŭ Hruziju, jak i ŭsie papiarednija, zahadzia asudžanaja na pravał, — havorycca ŭ zajavie abchazskich uładaŭ. — Kali hruzinskija kiraŭniki ščyra zaniepakojenyja pytańniami svabody pieramiaščeńnia hramadzian Respubliki Abchazija, to im varta admovicca ad palityki mižnarodnaj izalacyi našych hramadzian, jakim pa vinie Tbilisi admaŭlajuć va ŭjeździe ŭ krainy ES».
Kamientujučy napiaredadni rašeńnie Jeŭraparłamienta ab admienie viz dla hramadzian Hruzii, Michaił Džanielidze adznačyŭ, što biaźvizavy režym taksama tyčycca žycharoŭ akupavanych terytoryj Hruzii.
«Hetaja mahčymaść dastupnaja i im. My chočam, kab nie tolki libieralizacyja viz, ale i inšaja karyść, atrymanaja na šlachu našaj jeŭraintehracyi, była maksimalna dastupnaja taksama žycharam akupavanych terytoryj», — zajaviŭ Džanielidze.
Deputaty Jeŭraparłamienta na plenarnym pasiadžeńni ŭ čaćvier prahałasavali za pradastaŭleńnie Hruzii biaźvizavaha režymu pry naviedvańni jaje hramadzianami krain Šenhienskaj zony.
Admiena vizavaha režymu tyčycca karotkaterminovych pajezdak (da 90 dzion u 180-dzionny pieryjad) i tyčycca hramadzian Hruzii, jakija majuć bijamietryčnyja pašparty.
Ciapier admienu viz dla hramadzian Hruzii treba budzie zaćvierdzić Radzie ES. Rašeńnie ŭstupić u siłu paśla jaho publikacyi ŭ aficyjnym časopisie ES razam z ustupleńniem u siłu abnoŭlenaha miechanizmu prypynieńnia biaźvizavaha režymu, zaćvierdžanaha Jeŭraparłamientam 15 śniežnia.
Pieramovy ab biaźvizavym ujeździe hramadzian Hruzii ŭ ES vialisia z 2012 hoda.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary