Administracyja Donalda Trampa ŭviała sankcyi suprać 13 pryvatnych asob i 12 kampanij u Iranie paśla niadaŭniaha vyprabavańni balistyčnaj rakiety, piša VVS.
Amierykanskaje kaznačejstva taksama paviedamiła, što niekatoryja ź ludziej i arhanizacyj, jakija trapili pad sankcyi, bazujucca ŭ Abjadnanych Arabskich Emiratach, Livanie i Kitai.
1 lutaha ŭłady Irana paćvierdzili, što kraina praviała vyprabavańnie balistyčnaj rakiety siaredniaj dalokaści, zajaviŭšy, što heta nie źjaŭlajecca parušeńniem jadziernaha pahadnieńnia z suśvietnymi dziaržavami.
Paśla hetaha savietnik Trampa pa nacyjanalnaj biaśpiecy Majkł Flin zajaviŭ, što Vašynhton vynosić Tehieranu aficyjnaje papiaredžańnie.
Sam prezident Tramp napisaŭ u tvitary: «Iran hulaje z ahniom — jany nie ceniać, jakim dobrym byŭ da ich prezident Abama. Nie ja!».
Adnak Iran u adkaz zajaviŭ, što nie budzie sastupać «pustym» amierykanskim pahrozam ad «nieabaznanaha čałavieka».
Z 2015 hoda, kali było dasiahnutaje pahadnieńnie z Tehieranam pa jadziernaj prahramie, Iran užo niekalki razoŭ pravodziŭ anałahičnyja vyprabavańni. Padčas prezidenctva Abamy Bieły dom zajaŭlaŭ, što vyvučaje abstaviny dadzienych incydentaŭ.
Rezalucyja RB AAN ad 20 lipienia 2015 hoda zaklikaje Tehieran admovicca ad vyprabavańniaŭ balistyčnych rakiet, zdolnych nieści jadzierny zarad. Iran śćviardžaje, što ŭ jaho niama jadziernaj zbroi.
U śniežni premjer-ministr Izraila Bińjamin Nietańjachu zajaviŭ, što jon maje namier damovicca z Donaldam Trampam ab admienie jadziernaha pahadnieńnia ź Iranam.
Tramp padčas svajoj pieradvybarčaj kampanii nieadnarazova krytykavaŭ uhodu, zaklučanuju Iranam z šaściu dziaržavami, u tym liku z ZŠA i Rasijaj. Tramp nazvaŭ pahadnieńnie pa iranskim atamie katastrofaj i zajaviŭ, što ZŠA mohuć admovicca ad hetaha pahadnieńnia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary